Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На борце захопленага тэрарыстамі самалёце былі беларусы 11:05, 16/03/2001
На борце расейскага самалёту ТУ-154, які ляцеў са Стамбула ў Маскву і захопленага тэрарыстамі, знаходзяцца трое грамадзянаў Беларусі. Між іншым, сёньня спэцслужбы Саўдаўскай Аравіі правялі штурм захопленага самалёту. Паводле непацьверджаных пакуль афіцыйных зьвестак, сярод заложнікаў, ёсць пацярпелыя. Па сьведчаньням відавочцаў, падчас штурму паранены пасажыр - грамадзянін Турцыі і сьцюардэса. Паводле іншых зьвестак, пры штурме загінулі тры чалавекі.
БелаПАН сталі вядомы прозвішчы трох грамадзянаў Беларусі, якія аказаліся ў якасьці заложнікаў на захопленым тэрарыстамі ў Турцыі расейскім самалёце Ту-154. Гэта - Бондарава Людміла Аляксандраўна, 1979 года нараджэньня, якая жыве ў Сьветлагорску, Кузьмянок Іна Аляксандраўна, 1981 года нараджэньня, якая жыве таксама ў Сьветлагорску й Чыж Міхаіл Вітальевіч, 1969 года нараджэньня з Горак. Усе яны знаходзіліся за мяжой у прыватных паездках і займаліся бізнэсам.
, iнформэр
