Літва патрабуе экстардыцыі ваеннга злачынцы, на чыім сумленьні сьмерці тысячаў беларускіх габрэяў :: Хартыя'97 :: Навiны

Генэральная пракуратура Літвы падрыхтавала афіцыйную просьбу брытанскім уладам ад экстрадыцыі 85-гадовага Антанаса Гечаса-Гецявічуса, які падазраецца ў зьдзясьненьні ваенных злачынстваў на зямлі Беларусі. Падчас Айчыннай вайны А.Гечас кіраваў атрадам аднаго зь літоўскіх паліцэскіх батальёнаў. Па архіўных дадзеных, паліцэйскія батальёны былі падпарадкаваныя нацысцкай арміі й прымалі ўдзел у карных аперацыях, у тым ліку ў расстрэлах габрэяў.

Дакладна месяц таму, 19 лютага, 2-і участковы суд Вільні прызначыў А.Гечасу меру пакараньня ў выглядзе арышту, бо гэта зьяўляецца неабходнай умоваю ў працэсе экстрадыцыі. Акрамя гэтага, яшчэ ў 2000 годзе генпракуратура ўзбудзіла супраць А.Гечаса крымінальную справу па падазрэньні ва ўдзеле ў генацыдзе супраць мірнага насельніцтва Літвы й Беларусі падчас Другой сусьветнай вайны.

Зараз А.Гечас пражывае ў Шатляндыі. Яшчэ ў 1992 годзе ён падаў у суд на шатляндскае тэлебачаньне, якое ў адным з рэпартажаў назвала яго ваенным злачынцам, на сумленьні якога сьмерці тысячаў мірных габрэяў. А. Гечас прайграў судовы працэс, і тады ў грамадзянскім парадку было прызнана, што ён зьяўляецца падазроным. Аднак брытанскія ўлады больш не прымалі ніякіх мераў супраць былога гарняка А.Гечаса.

А.Гечас прызнаецца, што служыў у паліцэйскім батальёне, аднак пры гэтым адмаўляе сваё датычнасьць да ваенных злачынстваў, падкрэсьліваючы, што падчас карных апэрацыяў ахоўваў чыгуначныя станцыі.

Падрыхтаваны дакумант ад экстрадыцыі яшчэ павінен падпісаць міністар юстыцыі Літвы - толькі тады ён па дыпляматычных каналах будзе высланы ў Вялікабрытанію.