Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Улады зноў правакуюць скандаль з КНГ АБСЭ ў Беларусі 11:06, 19/03/2001
Дзяржаўнае інфармацыйнае агенцтва распаўсюдзіла 18 сакавіка інфармацыю пад назовам "Кіраўнік КНГ АБСЭ ў Беларусі Ханс-Георг Вік пазанаёміўся з ходам выбараў у Барысаве й парушэньняў не знайшоў". Падобна, што сёньня варта чакаць адказной ноты кансультатыўна - назіральнае групы АБСЭ ў Беларусі, бо яна не займаецца афіцыйным назіраньнем за тым працэсам, які ўлады назвалі "давыбары ў палату прадстаўнікоў".
Як вядома, міжнародныя структуры не прызналі выбары ў палату, якія адбыліся ў мінулую восень, дэмакратычнымі й свабоднымі, легітымнасьць такога "парляманту" таксама нікім не прызнаная. Таму й "давыбары" таксама не разглядаюцца міжнароднымі структурамі як штосьці сур`ёзнае й тое, што патрабуе назіраньня. Улады ж усімі сіламі спрабуюць даказаць зваротнае. Адсюль і інфармацыя БелТА, у якой літаральна гаворыца наступнае: "Некалькі выбарчых участкаў наведаў кіраўнік Кансультатыўна - Назіральнае групы АБСЭ ў Беларусі Ханс-Георг Вік. Якіх-небудзь заўваг ад яго ці ад назіральнікаў у акругавую выбарную камісію не паступіла". А размова йдзе пра візыт сп.Віка ў Барысаў, дзе ён насамрэч зайшоў на некаторыя ўчасткі. Іншае пытаньне, што ён бы мог не даваць уладам такога поваду для інфармацыйнай шуміхі…
, iнформэр
