Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Агрэман на працу амбасадарам у Югаславіі атрымаў на днях былы старшыня КДБ Уладзімер Мацкевіч. Ён быў зьняты са сваёй пасады ў канцы лістапада 2000 года пасьля сэрыі скандаляў, зьвязаных з расьсьледаваньнем "гучных справаў" аб зьнікненьнях у Беларусі вядомых людзей. У апошні час у рускай і беларускай прэсе зьявілася інфармацыя, зьвязаная з нібыта жаданьнем Мацкевіча прымаць удзел у прэзыдэнцкай кампаніі ў Беларусі - у якасьці або кандыдата, або ўдзельніка правыбарчага штабу якога-небудзь з прэтэндэнтаў. Зараз відавочна, што гэтыя разьлікі не апраўдаліся - чалавек, які мае інфармацыю пра гучныя справы, вырашыў маўчаць. ХТО АДКАЖА ЗА ЗЬНІКЛЫХ ЛЮДЗЕЙ? спэцыяльны выпуск газэты "Наша Свабода"
Сёньня з шэрага і змрочнага спэцпрыёмніка - разьмеркавальніка на Акрэсьціна выходзіць Антон Цялежнікаў. Нагадаем, што А,Цялежнікаў быў прыгавораны 6 сакавіка да 15 сутачнага арышту за ўдзел у пікеце ля Адміністрацыі прэзыдэнта, куды ён разам зь некалікімі адважнымі хлопцамі, выйшаў з партрэтамі зьніклых у Беларусі вядомых людзей.
Міжнародны Камітэт абароны журналістаў лічыць зьнікненьне аператара ГРТ Зьміцера Завацкага адным з самых важных фактаў, якія характарызуюць савбоду слова ў Беларусі. Пра гэта было заяўлена на прэзэнтацыі штогадовай справаздачы гэтай міжнароднай арганізацыі "Ціск на свабоду слова-2000".
Менская міліцыя канфіскавала ў актывістаў партыі БНФ некалькі тысячаў улётак, падрыхтаваных да Дня Волі. Аўтамаблі, дзе знаходзіліся ўлёткі, былі адбуксаваныя ў УУС Цэнтральнага й Першамайскага раёнаў Менску, а на вадзіцеляў складзены пратакол.
Беларускія ўлады дарма не надавалі значэньня аварыі на віцебскім гаскалектары. Нагадаем, што ў выніку прарыву ў Заходнюю Дзьвіну было скінута вялікая колькасьць фекальных сьцёкаў. Больш таго, яны спрабавалі схаваць сам факт аварыі і нічога не паведамілі пра яе латвійскаму боку. І вось вынік - у гэтыя дні ў Хэльсынкі актыўна абмяркоўваецца праблема забруджваньня беларускімі прадпрыемствамі рэкі Даўгава.
За падаражэньнем паслугаў унутрарэспубліканскай сувязі, у Беларусі падняліся тарыфы на міжнародныя размовы. Нягледзячы на тое, што апошняе падаражэньне гэтых паслугаў адбылося меней за месяц таму, тарыфы на іх зноў павялічыліся на 5,3-6 адсоткаў.
, iнформэр
