Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Не прайшло й месяца, а кошты зноў вырасьлі 11:01, 21/03/2001
За падаражэньнем паслугаў унутрарэспубліканскай сувязі, у Беларусі падняліся тарыфы на міжнародныя размовы. Нягледзячы на тое, што апошняе падаражэньне гэтых паслугаў адбылося меней за месяц таму, тарыфы на іх зноў павялічыліся на 5,3-6 адсоткаў.
Зараз хвіліна зносінаў з Украінай будзе каштаваць 267 рублёў (раней - 252), Расеяй - 324 (307), Літвой, Латвіяй і Эстоніяй - 393 (372), Малдовай - 399 (378), Кіргізіяй, Туркмэністанам і Узбекістанам - 440 (416), Казахстанам - 525 (498), Грузіяй - 678 (641), Таджыкістанам - 788 (747), Армэніяй - 905 (855), Азэрбайджанам - 948 (899).
Што да краінаў далёкага замежжа, то кошт хвіліны размовы з абанентам Чэхіі зараз складае 356 рублёў (раней - 338), Германіі, Францыі, Баўгарыі - 375 (356), Польшчы - 393 (372), Вялікабрытаніі - 464 (440), Аўстраліі - 900 (854), ЗША - 1.164 (1.104), Ізраілю - 1.364 (1.292).
Самымі дарагімі па-ранейшаму зьяўляюцца размовы з абанентамі шэрагу дзяржаваў Блізкага Усходу і Паўднёва-Усходняй Азіі (В`етнамам, Ліванам, Пакістанам і інш.) - 2.724 рублі за хвіліну (раней - 2.582).
, iнформэр
