Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Зубр правёў 23 сакавіка сэрыйную акцыю ў самых прэстыжных ВНУ Менску. У студэнцкіх аўдыторых раскідваліся ўлёткі з пытаньнем "Хто адкажа за зьніклых людзей?" і заклікам "Думай!Вырашай! Дзейнічай!". Гэта была самая сапраўдная атака на alma mater. "Зубры" займалі самыя шматлюдныя аўдыторыі, нягледзячы на зьбянтэжаныя пратэсты выкладчыкаў, зачытывалі такім, як самі, студэнтам тэкст улёткі і пасьля раскідвалі іх сярод уражаных і ўзбуджаных незвычайнай сытуацыяй маладых людзей. Акцыі прайшлі ў Беларускім дзяржаўным унівэрсытэце, Беларускім дзяржаўным эканамічным унівэрсытэце, Беларускім унівэрсытэце інфарматыкі і радыёэлектронікі, Беларускім педагагічным унівэрсытэце імя М.Танка і ў Лінгвістычным унівэрсытэце. У кожным унівэрсітэце было распаўсюджана па тысячы, а то і болей улётак.
Менскі гарвыканкам прыняў рашэньне забраць учатак зямлі, перададзены ў арэнду замежнаму прадпрыемству "Рэстараны МакДональдс" пад будаўніцтва і эксплуатацыю рэстарацыі тэрмінам на 39 гадоў, і перадаць яго ў сталае валоданьне Беларускага дзяржаўнага унівэрсытэта. Пра гэта БелаПАН паведаміла мэнэджэр па сувязях з грамадзкасьцю ЗП "Рэстараны МакДональдс" Вольга Траян.
Кіраўнікі практычна ўсіх прадпрыемстваў і гаспадарак Ашмянскага раёну выказалі недавер мясцовым уладам. І хаця больш за 30 кіраўнікоў адправілі Лукашэнку ліст з патрабаваньнем звольніць старшыню Ашмянскага райвыканкаму, яны са страхам чакаюць, калі мясцовыя "вертыкальшчыкі" пачнуць іх звальняць.
У Баранавічах зьбілі старшыню гарадзкой арганізацыі БНФ "Адраджэньне" Алеся Пікулы. За апошнія два гады лідэра мясцовай арганізацыі БНФ ужо неаднаразова зьбівалі: двойчы - супрацоўнікі міліцыі і адзін раз - члены Рускага нацыянальнага адзінства (РНА).
Вэб - сайт Хартыі стаў першым інтэрнэт-рэсурсам, які абмяняўся кнопкамі з сайтам руху супраціву ЗУБР. Згодна лісту вэб-майстра сайту ЗУБРа, такія самыя прапановы разасланы іншым вядучым рэсурсам і парталам беларускага інтэрнэту. Вэб-сайт руху супраціву ЗУБР
Скандальны ліст трапіў у Магілёўскі Хэльсынскі камітэт. Ён напісаны Ўпраўленьнем юстыцыі Магілёўскага аблвыканкаму і адрасаваны старшыням раённых судоў і пракурораў раёнаў. "У першым паўгодзьдзі 2001 неабходна арганізаваць сустрэчы ў працоўных калектывах з работнікамі пракуратуры і судоў па тлумачэньню палітыкі Главы дзяржавы ў галіне прававога будаўніцтва, нормаў заканадаўства, якія забясьпечваюць правы і свабоды грамадзянаў" - гаворыць Плян асноўных арганізацыйна-ідэялягічных мерапрыемстваў Магілёўскага аблвыканкаму.
Скандалям скончылася 22 сакавіка паседжаньне Цэнтральнай камісіі Рэспублікі Беларусь па выбарах і правядзеньні рэспубліканскіх рэферэндумаў, на якім падводзіліся вынікі першага тура паўторных "выбараў" в "палату прадстаўнікоў". Трое кандыдатаў - Алег Мазго, Юры Васкрасенскі і Васіль Сільчук, якія балатаваліся па выбарчай акрузе № 105 горада Менску, ў самой залі паседжаньня аб`явілі галадоўку.
Пытаньні далейшага развіцьця двухбаковага супрацоўніцтва паміж ваеннымі ведамствамі Беларусі і Ірану абмеркаваныя 22 сакавіка ў Менску падчас сустрэчы міністра абароны рэспублікі генэрал-палкоўніка Аляксандра Чумакова зь міністрам абароны і падтрымкі Узброеных Сілаў Ісламскай Рэспублікі Іран Алі Шамхані.
Масавыя скарачэньні работнікаў адбываюцца на рэспубліканскім прадпрыемстве "Віцязь". За бортам прадпрыемства засталіся 500 дапаможных рабочых і інжэнэрна-тэхнічных работнікаў. Зь іншага боку, у сувязі з павелічэньнем праграмы выпуску тэлевізараў на "Віцязі" будзе створана прыкладна 150 новых рабочых месцаў. Але гэта капля ў моры, бо, па словах старшыні прафкаму прадпрыемства Васіля Штэфарука, не за гарамі новыя загады аб скарачэньні. І ўжо сёньня на рынак працы не было выкінута больш завадчанаў, калі б прафкам не ўмяшаўся ў дзеяньні кіраўніцтва па скарачэньні асноўных рабочых месцаў.
Праз востры недахоп рабочых кадраў на сяле, дзе кожны чацьвёрты трактар патрабуе рамонту а кожны дзесяты чакае свайго гаспадара для ўдзелу ў палявых працах неабходна дададкова прыцягнуць 12 тысячаў механізатараў. Недахоп рабочых кадраў будзе папоўнены студэнтамі старэйшых курсаў ВНУ, навучэнцамі тэхнікумаў і нават рабочымі прамысловых прадпрыемстваў.
У Гомельскай вобласьці пагасіць даўгі па заробку да пачатку пасяўной здолелі гаспадаркі толькі двух раёнаў - Ельскага і Калінкавіцкага. Болей гаспадарак - па 15 і больш, дзе работнікі месяцамі не бачаць заробку, знаходзяцца ў Петрыкаўскім, Жлобінскім, Лельчыцкім раёнах. Усяго на пачатак лютага сяльчане не атрымалі 890 млн. рублёў (больш за 695 тысячаў даляраў), гэта больш 70 адсоткаў ад агульнай запазычанасьці.
, iнформэр
