 | ПАЛIТЫКА | |
За пікет у абарону НТБ - арышт на 10 сутак
11:11, 05/04/2001
Актывіст апазыцыі Аляксандар Абрамовіч асуджаны раённым судом Барысава на 10 сутак арышту за акцыю салідарнасьці, што была праведзена ім учора ў падтрымку расейскага каналу НТБ. Пікетчыкі выйшлі на галоўную плошчу гораду, дзе прастаялі каля 30 хвілінаў, пасьля чаго былі зарыштаваныя міліцыяй. Астатнія ўдзельнікі пікета атрымалі больш мягкія прыгаворы. 
11:10, 05/04/2001
У ноч з чацьвёртага на пятага красавіка былі арыштаваны чацьвёра зуброў: Аляксей Шыдлоўскі, Цімох Дранчук, Зьміцер Драпочка і Алесь Апраніч ля надпісаў: "Где Захаренко?", "Где Гончар?" "Где Красовский?","Где Завадский?", якія былі нанесены на плоце. Міліцыянты з аўтаматамі паклалі іх на замлю і надзелі на рукі кайданкі. Гэта адбылося каля паловы на другую 5 красавіка.
11:09, 05/04/2001
Як стала вядома Хартыі-97 з дакладных крыніцаў, на гэтым тыдні Міністар замежных справаў Коста Рыкі сп-я Уайт прыняла ў сябе беларускага амбасадара пры ААН Сычава, які знаходзіцца ў паездцы па краінах Лацінскай Амэрыкі і Карыбскага басейну. Сычаў зьвярнуўся да міністра Коста Рыкі з просьбаю падтрымаць Беларусь на выбарах у Савет Бясьпекі і атрымаў адмову. У сваю чаргу, міністр замежных справаў Коста Рыкі выказала глыбокую незапакоенасьць сытуацыяй з правамі чалавека ў Беларусі. Такая дасьведчанасьць застала беларускіх дыпляматаў знянацку, і Сычаў аказаўся абсалютна не гатовым адстойваць афіцыйны пункт гледжаньня. Наступную спробу атрымаць падтрымку на выбарах у Савет Бясьпекі беларуская дэлегацыя прыме ў Панаме.
11:08, 05/04/2001
"У надыходзячую восень беларускі ўрад мае намер правесьці другія па ліку прэзыдэнцкія выбары з часу атрыманьня незалежнасьці. Гледзячы на няспынную рэпрэсыўную палітыку рэжыму Аляксандра Лукашэнкі, свабодныя, справядлівыя і празрыстыя выбары - у адпаведнасьці з узятымі на сябе абавязацельствамі перад АБСЭ - малаверагодныя", -- гаворыцца ў заяве прадстаўніка Камісіі Кангрэсу ЗША па бясьпецы і супрацоўніцтву ў Эўропе Крыстафера Сьміта, што быў апублікаваны 4 красавіка.
У Барысаве пікетоўцаў у падтрымку НТВ затрымала міліцыя
11:07, 05/04/2001
Актывісты апазыцыі Аляксандар Абрамовіч, Алеся Ясюк, Марына Статкевіч, Алесь Барадуля і Зьміцер Фядорчанка правялі ў Барысаве пікет у падтрымку НТВ. Пікет праходзіў на цэнтральным пляцы гораду пад лёзунгамі "За нашу і вашу свабоду", "Пуцін, не рабіся падобным да Лукашэнкі". Усіх пікетоўцаў затрымала міліцыя.
11:06, 05/04/2001
У дзень "адзінства", 2 красавіка, беларускія нацыяналісты сутыкнуліся з рускімі фашыстоўцамі, што спрабавалі абражаць нацыянальную годнасьць беларусаў. З-за сутычкі з прыхільнікамі вядомага сваімі поглядамі Рускага нацыянальнага адзінства члены незарэгістраванай беларускай Партыі Свабоды на днях павінны будуць зьявіцца ў суд.
11:05, 05/04/2001
Нягледзячы на тое, што парадак псыхіятрычнага асьведчаньня адзін для ўсіх грамадзянаў, незалежна ад займаемых імі пасадаў, у Беларусі адсутнічае практыка вызначэньня стану псыхічнага здароўя людзей, якія займаюць высокія дзяржаўныя пасады. Болей за тое, "мазаічнай псыхапатыю", якую знайшоў у Лукашэнкі ўрач-псыхіятр Зьміцер Шчыгельскі, беларускія псыхіятары ўвогуле ня лічаць за хваробу. "Гэта асаблівасьць характару й паводзінаў чалавека", -- заявіў загадчык кафедрай псыхіятрыі Беларускай медыцынскай акадэміі паслядыпломнай адукацыі Раман Еўсягнееў 4 красавіка на прэсавай канферэнцыі.
11:04, 05/04/2001
"Плотнее работать с депутатами "национального собрания"", -- вось і ўсё, што мог парэкамендаваць старшыня Канстытуцыйнага суда Беларусі Рыгор Васілевіч прафсаюзу работнікаў адукацыі, што спрабавалі праз КС высьветліць, хто іх наймальнік і з кім можна весьці перамовы аб узроўні заробкаў настаўнікаў. Прафсаюз работнікаў адукацыі застаўся незадаволены адказам Канстытуцыйнага суда.
Гуманітарнай дапамогі зь Нямеччыны можа ня быць
11:03, 05/04/2001
"Дзеяньне дэкрэту №8 значна зьменшыць гуманітарную дапамогу Беларусі зь Нямеччыны" - заявілі прадстаўнікі шэрагу нямецкіх дабрачынных і рэлігійных арганізацыяў, якія прыехалі на Беларусь з нагоды 15 гадавіны Чарнабольскай катастрофы.
Антысэміцкія настроі дэпартамэту па гуманітанай дапамозе
11:02, 05/04/2001, НТВ
"Дэпартамэнт па гуманітарнай дапамозе пры прэзыдэнце Беларусі прымяняе да Юдэйскага рэлігійнага аб`яднаньня палітыку двайных стандартаў. Абкладаньне культавага тавару мытнымі пошлінамі будзе мець шырокі грамадзкі рэзананс, а таксама расцэньваецца веруючымі габрэямі, як спроба зашкодзіць выкананьню рэлігійных абрадаў у адзін з найбольш рэлігійных сьвятаў", -- заявіў старшыня праўленьня дабрачыннай місіі Юдэйскага рэлігійнага аб`яднаньня Ўладзімер Цяпліцкі пасьля таго, як у Беларусі мытнай пошлінаю быў абкладзены 5-тонавы груз мацы, што паступіла да габрэйскага сьвята Пэсах. Улады палічылі яго гуманітарным грузам.
Беларусь пераўтвараецца ў краіну самазабойстваў
11:01, 05/04/2001
Па колькасьці самазабойстваў Беларусь наблізілася да звышвысокага паказчыку: калі ў 1999 годзе ўзровень суіцыдаў склаў 28,7 выпадкаў на 100 тысячаў насельніцтва, то летась -- ужо 30,6. Усяго ж у 2000 годзе ў Беларусі зафіксаваныя звыш трох тысячаў самазабойстваў. Такія зьвесткі прывёў 4 красавіка начальнік упраўленьня лячэбна-прафілактычнай дапамогі Міністэрства аховы здароўя Беларусі Аляксандр Цыбін на прэсавай канферэнцыі, прысвечанай Сусьветнаму дню псыхічнага здароўя, які адзначаецца 7 красавіка.
| |
|
, iнформэр
