Магілёўскі машынабудаўнічы завод рыхтуецца да банкруцтва :: Хартыя'97 :: Навiны

Яшчэ адно беларускае прадпрыемства рыхтуецца да банкруцтва. На Магілёўскім машынабудаўнічым заводзе запазычанасьць па заробку складае 8,2 мільёны рублёў. Пры гэтым сяродні заробак па заводзе прыніжальна малы для галіны - усяго 58 тысячаў ($45). Але й яе людзі не бачылі ўжо некалькі месяцаў. Зьнешняя запазычанасьць прадпрыемтсва наблізілася да 300 мільёнаў рублёў. Акрамя таго, асноўны крэдытор - "Белпрамбудбанк" - зьвярнуўся ў суд і на прадпрыемстве апісана ўсё абсталяваньне.

У выніку кіраўніцтва заводу мяркуе паменьшыць колькасьць ІТР, а гэта трэцяя частка з 360 работнікаў прадпрыемства. вядома, такое рашэньне не задавальняя прафкам. Некалькі завод займаўся вырабам унікальнай аснасткі але пасьля развалу СССР заняўся рамонтам гарадзкога грамадзкага транспарту. Але ад гораду у МОЭЗАМ замоваў няма - усе яны па якой - небудзь прычыне пайшлі на Гомель.

Нядаўна, даведзеныя да адчаю, завадчане выйшлі на стыхійны мітынг пратэсту. Людзі патрабавалі пагашэньня запазычанасьці па заробку. Штосьці гарвыканкам здолеў нагрэбсьці - заплацілі за студзень. Лютаўскі доўг складае яшчэ 16 мільёнаў рублёў. Дзе шукаць сродкі на рэалізацыю праграмы выхаду з крызы кіраўніцтва ня ведае.

Не так даўно амаль у аналягічнай сытуацыі знаходзіўся Магілёўскі рэгенэратны завод і яшчэ 23 прадпрыемтсва вобласьці. Усе яны сталі бакрутамі. Напэўна, што ў дачыненьні машынабудаўнічага будуць прыняты такія самыя меры. Банкруцтва для гэтага заводу - пытаньне часу.