Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
"Бюро па дэмакратычных інстытутах з правам чалавека глыбока занепакоена пагаршэньнем палітычнага клімату ў Беларусі напярэдадні прэзыдэнцкіх выбараў", -- заявіў дырэктар БДІПЧ АБСЭ Жэрар Студман: "Мы заклікаем улады пераглядзець у адпаведанасьці з прынцыпам верхавенства закону, выпадкі вынясеньня арыштаў і штрафаў за ўдзел у дэманстрацыях 25 сакавіка. Мы таксама заклікаем улады забясьпечыць захаваньне права беларускіх грамадзянаў на свабоду ўдзелу ў мірных акцыях і гарантаваць свабоду самавыказваньня ў будучыні".
"З красавіка месяца кошты на прадукцыю айчынных вытворцаў не павінны падымацца больш чым на 0,5 адсоткаў у месяц", - такую заяву зрабіў 6 красавіка Аляксандар Лукашэнка на сэмінары -- нарадзе кіраўнікоў мясцовых ворганаў улады. "Рост коштаў ня йдзе ні на карысьць насельніцтву, ні эканоміцы", -- сказаў Лукашэнка і выказаў гатоўнасьць падпісаць дэкрэт, які забараняе рост коштаў.
Ужо другі раз за апошні год самалёты далёкай авіяцыі, здольныя несьці ядзерную зброю, экcплуатуюць беларускія аэрадромы ў рамках камандна-штабнай трэніроўкі дзяжурных сілаў і сродкаў Аб`яднанай сыстэмы СПА краінаў Садружнасьці. Згодна непадцьверджанай інфармацыі, 5 красавіка ў Менску знаходзіліся і прадстаўнікі камандаваньня далёкай авіяцыі Расеі, якія сустракаліся зь міністрам абароны Беларусі генэрал-лейтынантам Мальцавым.
За апошнія 15 гадоў агульная колькасьць тых, хто ўжывае зельле ў Беларусі вырасла ў 32,4 разы. Пры гэтым, на думку экспэртаў Менздраву, для ацэнкі рэальных маштабаў распаўсюджваньня наркаманіі лічбы афіцыйнай статыстыкі варта павялічваць у 10-15 разоў.
Актывісты моладзевага руху ЗУБР Аляксей Шыдлоўскі, Цімафей Дранчук, Алесь Апраніч і Зьміцер Драпочка былі вызвалены з-пад варты 7 красавіка. Зь іх узялі падпіску аб абавязковай яўцы ў выпадку выкліку. Абвінавачваньні хлопцам так і не былі прад`яўлены.
"Запад и его спецслужбы оказывают политическое, экономическое и дипломатическое давление на белорусский народ накануне назначенных на осень президентских выборов. Сегодня по линии МВФ переводятся деньги под определенные политические программы", -- заявіў Лукашэнка. Крыніцаю гэтай жахлівай інфармацыі стаў дэпутат Дзярждумы РФ Яўген Прымакоў, які, па словах Лукашэнкі, перадаў яму інфармацыю пра 500 мільёнаў даляраў, нібыта выдзеленых Захадам для альтэрнатыўных кандыдатаў на прэзыдэнцкіх выбарах. Нагадаем, што апошні раз Лукашэнка налічыў у кішэні ў апазыцыі 108 мільёнаў даляраў.
"Нам добра вядома, што няўрадавыя арганізацыі Беларусі перажываюць нялёгкія часы. Ва ўсякім разе чыняцца дзеяньні, накіраваныя на абмежаваньне дзейнасьці незалежных грамадзкіх арганізацыяў, праводзіцца шырокамаштабная кампанія па дыскрэдытацыі некаторых зь іх, офісы праваабаронцаў падвяргаюцца неправамоцным праверкам і не расьсьледуемым абрабаваьнням з боку быццам бы невядомых асобаў. Апошнім крокам на гэтым шляху стала зьяўленьне дэкрэту №8" -- заявили вядомыя расейскія праваабаронцы Сяргей Кавалёў -- дэпутат Дзярждумы РФ, старшыня таварыства "Мемарыял", Людміла Аляксеева -- прэзыдэнт Міжнароднай Хэльсынкскай Федэрацыі і Валянцін Гефцер -- генэральны дырэктар Інстытута правоў чалавека у адкрытым лісьце у Палату прадстаўнікоў Нацыянальнага сходу, Міністэрства замежных справаў, Адміністрацыю прэзыдэнта Беларусі і Дэпартамэнт па гуманітарнай дзейнасьці пры прэзыдэнце.
"Працяг дзеяньняў кшталту дырэктываў аб выдзяленьні грошай на сяўбу прадпрыемствамі ўсіх форм уласнасьці будзе негатыўна ўспрыняты ў Вашынгтоне. Працяг такога ціску ня будзе мець станоўчага ўплыву ні на праграму рэформаў, ні ўвогуле на беларускую эканоміку", -- заявіў сталы прадстаўнік МВФ у Літве й Беларусі Марк Хортан.
"Я не пайду ні наводзін прыватызацыйны праэкт да выбараў, нават, калі ён супер нам будзе выгадны", -- як звычайна не кляпочыся аб стылістыцы сваіх выступаў, заявіў Аляксандар Лукашэнка на нарадзе работнікаў мясцовых ворганаў улады 6 красавіка ў Менску.
У гонар узнагароды Лукашэнкі расейскім ордэнам "За заслугі перад Айчынаю", у Лёзна на 30-мятровай вышыні слупа лініяў электраперадачы быў узьнесены нацыянальны бел-чырвона-белы сьцяг. Як ён там апынуўся, застаецца здагадвацца - лініі знаходзяцца пад напружваньнем у 35 тысячаў вольт. Да сьцяга была замацавана цыдулка з подпісам вядомага Мірона: "Добры гаспадар ніколі не папаўзе на ўсход з працягнутай рукою…".
Аргкамітэт "Чарнобыльскага шляху - 2001" вызначыўся са сцэнарам правядзеньня акцыі 26 красавіка. Арганізатары акцыі вырашылі не падаваць заўкі ў Менгарвыканкам. Збор удзельнікаў акцыі вырашана правесьці на плошчы Волі а 17.00. Тамсама, перад пачаткам шэсьця, пройдзе малебен у памяць ахвяраў Чарнобыльскай катастрофы. Пасьля плянуецца шэсьце да плошчы Незалежнасьці, дзе ўладам будзе ўручана петыцыя. "Чарнобыльскі шлях" пройдзе пад лёзунгам: "За Беларусь - дзеля Будучыні!"
"Дзяржсакратару зьвязу Беларусі й Расей" Паўлу Барадзіну, што быў дастаўлены раніцаю з ЗША ў Швецарыю, вечарам таго самага дня было прад`яўлена абвінавачваньне. Былому кіраўніку справамі прэзыдэнта інкрымінуецца прыналежнасьць да злачыннай арганізацыі і адмываньне грошай.
, iнформэр
