Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Прафсаюзнікі будуць пікетаваць Менгарвыканкам 11:03, 10/04/2001, http://www.praca.by/
Прэзыдыум Рэспубліканскага савету прафсаюзу работнікаў аўтасельгасмашу на сваім паседжаньні 3 красавіка прыняў рашэньне правесьці пікетаваньне Міністэрства прамысловасьці РБ. Прычынаю такога рашэньня стала працяглае невыкананьне кіраўнікамі прамысловых прадпрыемстваў абавязацельства галіновага Тарыфнага пагадненьня ў частцы пералічэньня прафсаюзных узнёскаў. Запазычанасьць адміністрацыяў прадпрыемстваў перад прафкамамі па пералічэньні ўзьнёскаў расьце і на сёньня склала больш за 200 млн.рублёў.
Так, на Менскім трактарным заводзе запазычанасьць складае - 68 млн.рублёў, на маторным заводзе - 20 млн.рублёў, Менскім заводзе СііТО - 15 млн.рублёў, Менскім падшыпнікавым заводзе - 30 млн.рублёў, мотавелазаводзе - 30 млн.рублёў і т.д. Міністэрства прамысловасьці, як сацыяльны партнэр па тарыфным пагадненьні, не прымае ніякіх мераў па выкананьні дадзенага абавязацельства. Звароты ў Дзяржаўны камітэт кантролю, да Генэральнага пракурора, у суд ня далі станоўчых вынікаў.
У адпаведнасьці з пададзенай заяўкай у Менгарвыканкам пікетаваньне мяркуецца правесьці 23-29 красавіка 2001 года з 10 да 12 гадзінаў і з 15.30 да 18 гадзінаў па адрэсе знаходжаньня Міністэрства.
, iнформэр
