Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Настаўнікі Менскага раёну не падтрымалі збор грошай на суботнік 11:08, 10/04/2001
Большасьць настаўнікаў Менскай вобласьці адмовілася аддаваць свае сутачныя заробкі ў фонд так званага сельгассуботніка, які па ініцыятыве Менгарвыканкаму ладзіўся ў Менскай вобласьці 7 красавіка ў мэтах фінансавай падтрымкі калгасаў вобласьці.
7 красавіка каля паловы педкалектыву сярэняй школы мястэчка Грэск Слуцкага раёну адмовіліся пераводзіць свой заробак за дзень у фонд суботніка. Тыя, хто пагадзіўся прынесьці ахвяраваньні ў фонд сельгассуботніка, пераводзілі туды грошы, нашмат меней за сутачны заробак.
Адмовіліся плаціць "хабар" і настаўнікі мястэчка Вежа Слуцкага раёну. Работнікі школаў Мядзельскага, Сьмілавіцкага, Ігуменскага раёнаў літаральна закідалі сваімі скаргамі абласное ўпраўленьне адукацыі, рэдакцыі газэтаў і інфармацыйныя агенцтвы.
Асабліва скардзіліся работнікі Сьмілавіцкага ліцэю, дзе дырэктар Анціпенка даў распараджэньне, каб усе педагогі пералічылі ў сельгаспадарчы фонд па адным мінімальным заробку. У супраціўным выпадку, дырэктар пагражаў падначаленым пазбаўленьнем прэміяльных.
, iнформэр
