Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міжнародная асацыяцыя дактароў "За папярэджаньне атамнай вайны" і арганізацыя "Урачы за грамадзкую адказнасьць" са Швэйцарыі накіравалі зварот прэзыдэнту Беларусі з просьбаю даць магчымасьць былому рэктару Гомельскага дзяржаўнага медінстытута прафесару Юрыю Бандажэўскаму займацца навуковай дзейнасьцю. У дакуманце, пад якім паставілі свае подпісы каля 300 вучоных, гаворыцца, што швэйцарскія вучоныя надаюць велізарнае значэньне працам былога рэктара ў галіне радыёпаталёгіі. "Работы асабліва важныя яшчэ і таму, што яны даюць ключ да разуменьня мераў па абароне насельніцтва ад наступстваў тэхнагенных катастрофаў", -- гаворыцца ў лісьце.
"Бяспрэцэндэнтны ціск на нашую сям`ю з боку правахоўчых ворганаў працягваецца", - заявіў былы прам`ер-міністар Беларусі Міхаіл Чыгір на прэсавай канферэнцыі, што адбылася 11 красавіка. "Учора прайшло два месяцы з дня затрыманьня нашага сына Аляксандра, але за гэты час ніякіх сьледчых дзеяньняў не праводзілася. Учора была падпісана пастанова аб прадленьні тэрміну ўтрыманьня да 4 месяцаў і 10 дзён".
Выкарыстоўваючы гэты дапаможнік, вы можаце скласьці скаргу ў розныя ўстановы й інстытуты Арганізацыі Аб`яднаных Нацыяў на ўшчамленьне сваіх правоў па палітычных прычынах. Дадзены дапаможнік зьяўляецца адаптаваным да беларускіх умоваў. Калі вы сталі ахвяраю палітычнага гвалту ці рэпрэсыяў, калі ім падвергліся вашыя родныя ці блізкія, не пакідайце гэты выпадак безпакараным. Зварот у ААН надасьць вашаму выпадку міжнародны агалосак і засьведчыць злачынства рэжыму ў гэтай найаўтарытэтнай міжнароднай арганізацыі, членам якой зьяўляецца й Беларусь.
"B Кремле принято однозначное решение о замене Александра Лукашенко на посту президента Беларуси" - такая выснова ўтрымліваецца ў матэрыяле, што апублікаваны сёньня ў газэце "Наша свабода", - В недрах Совета безопасности России уже создана специальная аналитическая группа, которая состоит из бывших сотрудников КГБ БССР. В обязанности группы входит анализ текущей ситуации, поиск достойного кандидата и информационное обеспечение грядущих белорусских выборов. Минимальные затраты на выборы нового президента Беларуси определены в 18 млн. долларов. Максимальные - в тридцать."
У Менгарвыканкам пададзена заяўка на правядзеньне "Чарнобыльскага шляху -- 2001". Першапачаткова члены аргкамітэту мерапрыемства былі настроены не падаваць заяўку. Аднак на паседжаньні Каардынацыйнай рады дэмакратычных сілаў, якое прайшло 10 красавіка, было вырашана падаць заяўку з просьбаю дазволіць 26 красавіка з 17.00 да 19.30 правядзеньне ў Менску шэрагу мерапрыемстваў.
Аляксандар Лукашэнка даў распараджэньне, каб прадстаўнікоў дыпляматычнай місіі больш не запрашалі на афіцыйныя мерапрыемствы зь ягоным удзелам. Такую заяву ён зрабіў 10 красавіка, у выступе са штогадовым пасланьнем да нацыянальнага сходу.
Кіраўнік праваабарончага цэнтру "Вясна" Алесь Бяляцкі, арыштаваны на 10 сутак сёньня павiнны выйсцi, раней на 2 дні. Астатнія затрыманыя - Вінцук Вячорка, Павал Севярынец і Юры Беленькі па-ранейшаму застаюцца ў турме.
Акрэдытаваны пры Міністэрстве замежных справаў і абеіх палатах "нацыянальнага сходу" ў якасьці замежнага карэспандэнта Юры Сьвірко накіраваў да генэральнага пракурора Віктара Шэймана скаргу на дзеяньні супрацоўнікаў прэзыдэнцкай службы бяспекі, якія сілком выдалілі журналіста з кулуараў палаты прадстаўнікоў перад самым выступам Аляксандра Лукашэнкі 10 красавіка. Сьвірко, як і астатнія парляманцкія карэспандэнты маець пропуск палаты прадстаўнікоў з надпісам па-расейску "ИМЕЕТ ПРАВО ВХОДА В ЗАЛ", прышоў ранкам 10 красавіка ў Дом ураду паслухаць выступ Лукашэнкі. Журналіст спакойна прайшоў два кардоны службы бясьпекі - на ўваходзе ў будынак і каля памяшканьня прэсавага цэнтру, аднак на трэцім (дзе пачынаюцца парляманцкія кулуары й ўваход у буфет) яго спынілі людзі ў штацкім і загадалі пачакаць чалавека, які адказвае за прэсу.
Прафсаюзы прамысловасьці прынялі рашэньне правесьці ў красавіку -- траўні 70 пікетаў у розных месцах горада Менску. Мэтаю гэтай акцыі стане збор подпісаў пад патрабаваньнямі прафсаюзаў. Днем раней Прэзiдыум реэспублiканскага савета прафсаюзаў работнікаў аўтасельгасмашу на сваім паседжаньні 3 красавіка прыняў рашэньне правесьці пікетаваньне Міністэрства прамысловасьці РБ. Акцыі пратэсту адбудуцца дзеля выкананьня рэзалюцыі прафсаюзнага мітынгу да ўраду нашай краіны.
Мільярдная запазычанасьць па заробках у Гарадзенскай вобласьці была пагашана ў рэкордна кароткія тэрміны - за пару дзён. Грошы на такі хуткасны рахунак былі ўзяты, у асноўным, з авансу ў 5,8 мільярдаў рублёў ($4460000), які нарыхтоўчыя арганізацыі вобласьці выдалі калгасам пад будучы ўраджай.
Менскія ўлады зноў уводзяць абмежаваньні на набыцьцё і абмен жыльля грамадзянамі, якія не маюць сталічнай прапіскі. Згодна новаму рашэньню Менгарсавету, іншагароднія беларусы і замежнікі змогуць набываць жыльлё ў Менску толькі з дазволу Менгарвыканкаму. Гэта тычыцца збудаваньняў усіх формаў уласнасьці. Акрамя таго, для кожнага патэнцыйнага жыхара абавязкова наяўнасьць не меньш 15 м жылой плошчы. Да гэтага пакупнік павінен дадаткова заплаціць гораду за разьвіцьцё інфраструктуры. Памер гэтых пляцяжоў пакуль не вызначаны.
У Беларусі ў красавіку будзе ўведзена ў зварот новая купюра годнасьцю 10.000 беларускіх рублёў (каля $8), сказаў прадстаўніку "Рэйтэр" прадстаўнік Нацбанку Беларусі. "Новая купюра будзе ўведзена ў красавіку, гэта дакладна. Аднак афіцыйнае паведамленьне з больш падрабязнымі дэталямі мы дадзім на днях", -- сказаў прадстаўнік Нацбанку.
Пакістан выключаны з Руху недалучэньня. Такое рашэньне прынята ўчора на паседжаньні міністраў замежных справаў гэтай арганізацыі ў Калюмбіі. З прапановаю аб выключэньні Пакістану як ваеннай дзяржавы з антыдэмакратычным рэжымам выступіла Індзія. Як ужо паведамлялася, ваенная адміністрацыя прыйшла да ўлады ў Пакістане ў кастрычніку 1999 года ў выніку перавароту. Рух недалучэньня нарадзіўся ў 1961 годзе, у разгар "халоднай вайны", як рэакцыя на супрацьстаяньне дзьвюх супердзяржаваў. Сёньня ў гэтую арганізацыю ўваходзяць больш за 110 краінаў, уключаючы Беларусь, Такджыкістан і Туркмэнію.
, iнформэр
