Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
За 7 год Лукашэнка прадаў зброі на 1 мільярд даляраў. Дзе грошы? 11:06, 12/04/2001, Ю.С.Ньюс
Прадстаўнік беларускага Міністэрства абароны ў сераду заявіў расейскаму Агенцтву вайсковых навінаў, што "Беларусь зарабіла каля 1 мільярда даляраў, праз продаж зброі ды вайсковага абсталяваньня з 1994 па 2000 год".
Неназваны чыноўнік таксама дадаў, што Беларусь уваходзіць у дзесятку найбуйных экспарцёраў зброі ў сьвеце. Яе галоўны прадавец - гэта дзяржаўнае прадпрыемства "Белзьнешпрамсэрвіс", якое таксама займаецца мадэрнізацыяй узбраеньняў адпаведна замовам замежных кліентаў.
У прыватнасьці, паведамляе АВН, прадпрыемства ажыцьцяўляе сур`ёзную мадэрнізацыю танкаў Т-72, якія абсталёўваюцца дадатковай бранёю, беларускімі лазэрна-аптычнымі прыладамі ды іншым дапаможным абсталяваньнем. Паводле дырэктара "Белзнешпрамсэрвіса" Аляксандра Андрона, гэта спрыяла значнаму павелічэньню продажу танкаў.
Нядаўна ўлады перадалі ягонаму прадпрыемству вайсковы гарадок Сцяпянка на ўскрайку Менску, сказаў А.Андрон. Некалькі пабудоваў гарадка цяпер пераўтвараюцца ў цэхі для рамонту артылерыі ды іншага абсталяваньня. "Белзьнешпрамсэрвіс" пабудуе ў Сцяпянцы цэнтар выставаў ды гатэль. Як сказаў А.Андрон, гэтыя пляны падтрымаў сам Аляксандар Лукашэнка.
, iнформэр
