Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Вінцук Вячорка, Юрась Беленькі і Павал Севярынец - на свабодзе! 11:03, 16/04/2001
13 красавіка пасьля адбыцьця 15-сутачнага адміністрацыйнага пакараньня са спэцпрыёмніка-разьмеркавальніка ГУУС Мінгарвыканкаму быў вызвалены старшыня БНФ "Адраджэньне" Вінцук Вячорка. У гэты ж дзень са спэцпрыёмніку-размеркавальніка быў вызвалены і выконваючы абавязкі старшыні Кансэрватыўна-Хрысьціянскай партыі БНФ Юры Беленькі. Суд гораду Менска перагледзеў ягоную адміністрацыйную справу і адмяніў пакараньне. З 15 сутак арышту Беленькі адбыў 9. А ўчора з тюрьмы выйшаў лідар "Маладога Фронту" Павал Севярынец. Усе яны былі асуджаны за арганізацыю несанкцыянаванага шэсьця й мітынгу ў Дзень Волі 25 сакавіка.
Вінцук Вячорка сказаў журналістам, што вопыт арганізацыі шэсьця й мітынгу ў Дзень Волі дапаможа эфектыўна правесьці 26 красавіка "Чарнобыльскі шлях". "Усе гэтыя рэпрэсыі, якія прымяняе цяпер рэжым, не толькі не запужаюць, але нададуць мужнасьці для нашай перамогі і пазбаўленьня ад дыктатуры ўжо сёлета", -- сказаў лідэр БНФ.
Паводле словаў Вячоркі, знаходзячыся пад арыштам, ён падтрымліваў кантакт з паплечнікамі і быў у курсе падрыхтоўкі да "Чарнобыльскага шляху". Яго арышт, на думку палітыка, ніяк не паўплываў на працэс падрыхтоўкі мерапрыемстваў 26 красавіка, паколькі БНФ -- добра структураваная арганізацыя з распрацаванаю сыстэмаю "лідэрскай узаемазамяняльнасьці".
, iнформэр
