Усе вінны канцэрну "Белэнэрга" :: Хартыя'97 :: Навiны

Запазычанасьць суб`ектаў гаспадараньня прадпрыемствам канцэрнэну "Белэнэрга" за спажытую энэргію склала 423,3 мільярды рулёў (327 мільёнаў даляраў ЗША). З пачатку гэтага год запазычанасьць вырасла на 120 мільярдаў рублёў, ці на 40 адсоткаў.

У першым квартале ўзровень аплаты суб`ектам гаспадараньня спажытай электрычнай і цеплавой энэргіі склаў 81,5 адсоткі, у тым ліку за сакавік - 81,4 адсоткі.

Найвялікую запазычанасьць па-ранейшаму маюць сельскагаспадарчыя прадпрыемствы - 275 мільярдаў рублёў, ці 65 адсоткаў усёй запазычанасьці.

Запазычанасьць прадпрыемстваў і арганізацыяў, што фінансуюцца з рэспубліканскіх і мясцовых бюджэтаў, дасягнула 29 мільярдаў рублёў, прадпрыемтсваў прамысловасьці - 10 міліярдаў, прадпрыемстваў міністэрства архітэктуры й будаўніцтва - 8 мільярдаў (у двух апошніх выпадках - за вылікам прадастаўленых адтэрміновак).

Па інфармацыі "Белэнэрга", працягвае зьніжацца доля аплаты энэргарэсурсаў "жывымі" грашыма. Па выніках 2000 года яна склала 42 адсоткі, па выніках першага кварталю 2001 года - 40 адсоткаў. Напрыклад, Беларускі металюргічны завод напрацягу апошніх пяці месяцаў аплочваў электраэнэргію толькі бартэрам. Такая сытуацыя і на Менскім трактарным заводзе.

У сваю чаргу канцэрн плаціць "жывымі грашыма" Расеі за імпартуемую энэргію ўсяго 2 адсоткі. Астатняе - бартэрныя ўзаемаразьлікі.