Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Поп-выканаўца Аляксандар Саладуха ня будзе разам з эстраднымі артыстамі агітаваць за Аляксандра Лукашэнку напярэдадні прэзыдэнцкіх выбараў: "Я раблю свае высновы. Многія рэчы я магу адкрыта і сьмела гаварыць уголас, нешта я праз выхаваньне ўголас не скажу. Але калі многія скардзяцца на лёс, на тое, што адбываецца ў краіне, я адказваю: не падабаецца гэты кіраўнік - абярыце іншага, шанец ёсьць. Кожны можа паўплываць на лёс свой і ўсёй краіны. А няздольны - значыць, ты слабы", -- заявіў ён радыё "Свабода".
Мадэльны закон "Аб зьнешняй разведцы" адобрала сёньня, 19 красвіка, Міжпарляманцкая асамблея краінаў СНД на сваім 17-ым плянарным пасэджаньні ў Санкт-Пецярбурзе. Па словах члена Пастаяннай камісіі МПА па пытаньнях бясьпекі Валянціна Варотнікава, увядзеньню гэтага закону садзейнічае тое, што разьведслужбы дзяржаваў Садружнасьці "практычна фарміраваліся на адной аснове, на адной базе, з улікам адзінага вопыту СССР".
У першым квартале гэтага года 24 прадпрыемствы Брэста не выканалі прагнозныя паказчыкі па аб`ёму прамысловай вытворчасці; 15 прадпрыемстваў горада працавалі горш, чым у адпаведны перыяд мінулага года. Узрастаюць запасы прадукцыі на складах. Агульная сума стратаў па выніках першага кварталю склала 275,6 мільёна рублёў. У 2,3 раза павялічылася з пачатку года запазычанасьць прадпрыемстваў за энерганосьбіты.
Як паведамілі ў Адміністрацыі прэзыдэнта, Лукашэнка "с искренней признательностью и глубокой благодарностью" ўспрыняў рашэньні некалькіх працоўных калектываў (ці хутчэй кіраўнікоў гэтых калектываў) вылучыць ягоную кандыдатуру для выбраньня дэлегатам на другі Ўсебеларускі сход ад Першамайскага раёну Менску.
Аб правядзеньні дадатковых перамоваў з кіраўнікамі беларускіх прадпрыемстваў па заключэньню кантрактаў на пастаўку сваёй прадукцыі дамовіліся кіраўнікі "Уральскай горна-металюргічнай кампаніі" і "Каменск-Уральскага металюргічнага заводу". Менскія вытворцы трактараў з мэтаю засваеньня рынку Сьвярдлоўскай вобласьці гатовыя пастаўляць сваю прадукцыю ў лізінг.
Спад аб`ёму выпуску тавараў народнага спажываньня адбыўся на буйных прадпрыемствах Гомлі, у тым ліку на кандытарскай фабрыцы "Спартак", якая забяспечвае сёмую частку выпуску тавараў у горадзе. З тым, каб стабілізаваць сытуацыю і не парушыць справаздачнасьць, кіраўнік горада Аляксандр Якабсан зьвярнуўся да сваіх падначаленых з настойлівай просьбай арганізаваць сустрэчы з галоўным інвестарам фабрыкі, прэзыдэнтам замежнага прадпрыемства "Трыліні Світс" Маратам Новікавым. Па перакананьню старшыні гарвыканкаму, "гэта галоўны інвестар завальвае працу прадпрыемства, таму што не выконвае сваiх абяцаньняў".
У Менску супрацоўнікамі Камітэту дзяржаўнай бясьпекі рэспублікі 18 красавіка быў затрыманы з доказамі злачынства пры атрыманьні сакрэтных дакумантаў замежны грамадзянін. Аб гэтым паведаміў Цэнтр інфармацыі і грамадзкіх сувязяў КДБ Беларусі.
Калі шчыра, ня ведаю, ці мае Лукашэнка спічрайтэр, ці ўсю сваю эксцэнтрыку ён выдае самастойна. Калі такі ўсё ж такі ёсьць, то ён як і бацька, павінен мець дыягназ "памяркоўна выражаная мазаічная псыхапатыя з перавагаю рысаў паранаідальнага й дысацыяльнага разладу асобы".
Былы беларускі студэнт Глеб Догель атрымаў статус палітычнага ўцекача ў суседняй Польшчы. Як паведаміў прэсаваму цэнтру Хартыі ягоны стрыечны брат, які атрымаў нядаўна палітычны прытулак у Польшчы Герман Сушкевіч, Глебу ўручаны так званы "жэнеўскі" пашпарт, які дазволіць яму выязджаць за межы Польшчы і свабодна перасоўвацца па Эўропе.
Паважаныя наведвальнікі вэб-сайту Хартыі! Мы выбачаемся за недакладную інфармацыю пра бліц-візыт рускага прэзыдэнта Пуціна, які нібыта меў месца ўчора раніцай. Гэты візыт быў. Але, дакладна -- год таму. Па тэхнічных прычынах гэтая інфармацыя была ўспрынята намі як сьвежая. Не было такога візыту ўчора.
Менгарвыканкам забараніў прафсаюзу аўтасельгасмашу правесьці 70 пікетаў у найбольш людных месцах сталіцы. Ініцыятары зьбіраліся прыцягнуць грамадзкую ўвагу да антыпрафсаюзных дзеяньняў уладаў.
Прадстаўнікі беларускага ВПК хацелі б атрымаць вопыт Расеі ў вытворчасьці шэрагу ўзлоў танка Т-72, а Мінабароны Беларусі ставіць пытаньне аб набываньні хаця б штучных экзэмпляраў ніжнетагільскіх танкаў Т-90С. Першапачаткова чакаўся візыт Лукашэнкі ў Ніжні Тагіл і, у прыватнасьці, на Уралвагонзавод. Аднак пазаўчора ён наведаў толькі завод "Уралтрансмаш", які славіцца сваімі самаходавымі ўстаноўкамі "Акацыя" й "Гіацынт". Лукашэнка паабяцаў хутка вярнуцца на Урал. Ня выключана, што ён зьявіцца ўжо на бліжэйшай выставе зброі "Уралэкспаармз".
З 9 990 200 жыхароў Беларусі працаздольныя - 5 928 000. Эканамічна актыўнае насельніцтва - тыя, хто могуць працаваць, але не працуюць і не шукаюць працу, у Беларусі складаюць 1 386 000 чалавек. Без навучэнцаў працаздольнага ўзросту (530 000) і жанчын, якія знаходзяцца ў дэкрэтных адпусках (150 000), атрымоўваецца 706 000 нідзе не працуюць, не навучаюцца, не наглядаюць за дзецьмі і не шукаюць працу! Гэта - згубленая частка грамадзтва, якая павінна працаваць, але не працуе - і па-вялікаму рахунку таму, што няма сэнсу працаваць. Ці можа мець жаданьне працаваць механізатар калгасу, калі ён, напрыклад, у пыльным трактары павінен па 12 і болей гадзінаў у пасяўную адпрацаваць - і 2-3 месяцы не атрымліваць грошай,якія зарабіў?! Які сэнс яму працаваць? Прасьцей скрасьці мех пшаніцы ці бульбы, прадаць - і прапіць…
Менская гарадзкая асацыяцыя ахвяраў палітычных рэпрэсыяў 18 красавіка зьвярнулася да ганаровага грамадзяніна гораду-героя Менску, старшыні Саюзу кампазітараў Ігара Лучанка з прапановаю выставіць сваю кандыдатуру ў якасьці прэтэндэнта на пост прэзыдэнта Беларусі. У звароце, падпісаным прэзыдэнтам асацыяцыі Аляксандрам Лапіцкім, гаворыцца: "Мы убеждены, что только Вы сможете разбудить в наших сердцах и на лицах радость и светлую надежду...", -- гаворыцца ў звароце да кампазітара.
Беларуская ваенная пракуратура па матэрыялах праверкі ўзбудзіла 18 красавіка крымінальную справу адносна двух старшых афіцэраў ВПС. Як паведамілі карэспандэнту БЕЛТА ў следчым упраўленьні БВП, гэтыя службовыя асобы падазраюцца ў тым, што ўнесьлі наўмысныя ілжывыя зьвесткі ў дакумэнтацыю на ваенную тэхніку, падрыхтаваную да продажу. Сьледства мяркуе, што яны зьнізілі кошт гэтай тэхнікі па просьбе пакупніка - прадстаўніка адной зь фірмаў.
Летась 11.443 грамадзянаў Беларусі афармлялі дакуманты на выезд за мяжу на сталае месца жыхарства. У гэты ж перыяд на ПМЖ у рэспубліцы было пакінута 18.517 грамадзян замежных дзяржаў і 985 асобаў без грамадзянства. Такія зьвесткі прывёў на прэсавай канферэнцыі 18 красавіка начальнік упраўленьня пашпартна-візавай службы Міністэрства ўнутраных справаў Беларусі палкоўнік Сяргей Стэсік.
Беларуская карамель аказалася адзіным выключэньнем у сьпісе аналягічнай імпартнай прадукцыі, на якую будуць распаўсюджаны часовыя абаронныя меры з боку Расеі.
, iнформэр
