Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У сваім выступе ў Гомлі на паседжаньні па праблемах мінімізацыі наступстваў аварыі на ЧАЭС, А.Лукашэнка, насуперак відавочным рэчам, заявіў, што "процесс переселения людей из чернобыльских районов в экологически чистые уже давно прекратился". Лукашэнка лічыць, што "отселенческие" праграмы мелі сэнс толькі ў першыя гады пасьля чарнобыльскай аварыі, і на дадзены момант узьвядзеньне жылых дамоў у экалягічна чыстых населеных пунктах для чарнобыльцаў безсэнсоўна.
Рабочыя камвольнага камбінату маюць намер працягваць стыхійныя акцыі пратэсту супраць нізкіх заробкаў на наступным тыдні. Пакуль яны вырашылі вызваліць праезд па вуліцы Маякоўскага і працягнуць працу. Адміністрацыя камбінату ў памкненьнях сьцішыць раззлаваных рабочых, гатова выплаціць ім мінімальны спажывецкі кошык у памеры 37,6 тысячаў рублёў (29 даляраў ЗША) і напрацягу наступных некалькіх дзён выплаціць усю зарплату за сакавік. На сёньняшні дзень яна складае 50-60 тысячаў рублёў (34-35 даляраў), і патрабаваньні рабочых цалкам зразумелыя.
Прапанова правесьці выбары прэзыдэнта Беларусі 2 верасьня ўнесьлі сёньня ў савет "палаты прадстаўнікоў" дэпутаты так званай ніжняй палаты парляманту. Наколькі мэтазгодна прызначаць дату прэзыдэнцкіх выбараў на першыя дні верасьня павінна быць вырашана да 15траўня: усё залежыць ад рашэньня савету "палаткі", які й павінен рашыць уносіць гэтую прапанову на павестку дня парляманцкай сэсіі.
Гарадзкi суд Менску сёньня адхіліў касацыйную скаргу актывіста апазыцыі, праваабаронцы й журналіста Валеры Шчукіна. Шчукін спрабаваў праз гэты падкантрольны Лукашэнку судовы ворган аспрэчыць рашэньне суда Цэнтральнага раёну Менску, што прыгаварыў Шчукіна да 3 месяцаў пазбаўленьня волі.
Стыхійны мітынг рабочых Менскага камвольнага камбінату адбываецца на дадзены момант у Менску. Больш за 400 рабочых перакрылі рух па вуліцы Маякоўскага. Людзі патрабуюць своечасовай выплаты й павышэньня заробку. Абсалютная большасьць тых хто пратэстуе - жанчыны. На стыхійны мітынг прыехаў сам намесьнік старшыні Менгарвыканкаму Ярохаў.
"Па меры набліжэньня даты прэзыдэнцкіх выбараў, Злучаныя Штаты выказваюць занепакенасьць тым фактам, што Беларусь адыходзіць усё далей ад выкананьня міжнародных патрабаваньняў па правядзеньню свабодных і справядлівых выбараў", -- гаворыцца ў заяве павераннага ў справах Джосія Розэнблата Пастаяннаму Савету АБСЭ ў Вене, 26 красавіка 2001.
Беларуска -- Амэрыканскае Аб`яднаньне правяло 26 красавіка акцыю салідарнасьці з народам Беларусі, адзначыўшы 15-ю гадавіну аварыі на Чарнобыльскай АЭС. Каля штаб-кватэры ААН у Нью-Ёрку адбыўся пратэст супраць рэжыму Лукашэнкі. Некалькі дзесяткаў беларусаў пратэставалі пад бел-чырвона-белымі сьцягамі і антылукашэнкаўскімі лёзунгамі. Рэзалюцыя акцыі была перададзена ў ААН.
Амбасада Беларусі ў Бельгіі падверглася 26 красавіка пікетаваньню з боку прадстаўнікоў Беларускага цэнтру ў Бельгіі. Беларусы, што атрымалі сховішча ў Брусэлі па палітычных матывах, выказалі сваю салідаранасьць зь беларусамі, што выйшлі ў гэты дзень на "Чарнобыльскі шлях" у Менску. Пікетчыкі пратэставалі супраць масавых парушэньняў правоў чалавека ў Беларусі.
На Вацлаўскай плошчы чэскай сталіцы прадстаўнікі беларускай палітычнай эміграцыі у Чэхіі, якія падзяляюць чарнобыльскі боль, правялі 26 красавіка "Чарнобыльскі шлях", паведамляе радыё "Свабода". Каля двух дзясяткаў актыўных удзельнікаў імпрэзы зь бел-чырвона-белымі сьцягамі, ужалобленымі чорнымі стужкамі і з плякатамі на чэскай і беларускай мовах сабраліся на самай папулярнай плошчы Чэхіі. Удзельнікі акцыі раздавалі мінакам улёткі, у якіх тлумачыўся сэнс акцыі і каротка апавядалася пра самую трагедыю і ейныя наступствы.
Міністар унутраных справаў Расеі Барыс Грызлоў прыязджае сёньня ў Беларусь, дзе ён мае намер сустрэцца з Аляксандрам Лукашэнкам. Адначасова з сустрэчаю Грызлова й Лукашэнкі пройдзе чарговае паседжаньне Аб`яднаннай калегіі МУС "саюзнай" дзяржавы Расеі й Беларусі.
"Адзіная рэгіянальная сыстэма СПА Расеі й Беларусі пачне функцыянаваць не пазьней за сярэдзіну чэрвеня", - заявіў галоўнакамандуючы ВПС РФ Анатоль Карнукоў, што знаходзіцца ў Менску з рабочым візытам. Па ягоных словах, кіраваць адзінай рэгіянальнай сыстэмаю СПА будзе камандуючы СПА Беларусі Валеры Касьценка. Фінансаваньне адзінай рэгіянальнай сыстэмы СПА будзе ажыцьцяўляцца з бюджэту адзінай рэгіянальнай групоўкі Расеі й Беларусі й Аб`яднанай сыстэмы СПА СНД.
Былому прэзыдэнту Югаславіі Слабадану Мілошавічу працягнуты тэрмін турэмнага заключэньня яшчэ на два месяцы. Як перадае РІА "Новости", акружны суд Бялграду павялічыў знаходжаньне экс-прэзыдэнта ў турме ў сувязі з тым, што існуе "бясьпека ягонага бегства й магчымасьці ўплыву на сьведкаў".
, iнформэр
