Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Адзіная сыстэма СПА абяцае быць праз два месяцы 11:02, 27/04/2001
"Адзіная рэгіянальная сыстэма СПА Расеі й Беларусі пачне функцыянаваць не пазьней за сярэдзіну чэрвеня", - заявіў галоўнакамандуючы ВПС РФ Анатоль Карнукоў, што знаходзіцца ў Менску з рабочым візытам. Па ягоных словах, кіраваць адзінай рэгіянальнай сыстэмаю СПА будзе камандуючы СПА Беларусі Валеры Касьценка. Фінансаваньне адзінай рэгіянальнай сыстэмы СПА будзе ажыцьцяўляцца з бюджэту адзінай рэгіянальнай групоўкі Расеі й Беларусі й Аб`яднанай сыстэмы СПА СНД.
У склад кіраўніцтва аб`яднанай сыстэмы СПА ўвойдуць й расейскія спэцыялісты. Яны будуць знахдозіцца ў Менску й сумесна зь беларускімі калегамі кіраваць сіламі СПА Расеі й Беларусі. У склад гэтых сілаў увойдуць сродкі СПА Бальтыйскага флоту, шэрагу спалучэньняў Расеі й войскі СПА Беларусі ў поўным складзе.
Бакі таксама разгледзелі стан і перспэктывы разьвіцьця двухбаковага ваенна-тэхнічнага супрацоўніцтва ў сфэры эксплуатацыі й мадэрнізацыі авіяцыйнай тэхнікі, а таксма арганізацыі сумеснага дзяжурства сілаў і сродкаў СПА і ВПС.
Акрамя таго, абмяркоўваліся пытаньні ўдасканаленьня арганізацыі й правядзеньня сумесных мерапрыемстваў аператыўнай і баявой падрыхтоўкі войскаў СПА й ВПС Расеі й Беларусі.
Як заявіў журналістам Анатоль Карнукоў, у рамках Аб`яднанай сыстэмы СПА СНД плянуецца ў хуткім часе правесьці навучаньні й сумесныя стрэльбы ў раёне Каліненграду, пад Чытой і на палігоне Ашулук пад Астраханьню.
, iнформэр
