Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міністар унутраных справаў Расеі Барыс Грызлоў прыязджае сёньня ў Беларусь, дзе ён мае намер сустрэцца з Аляксандрам Лукашэнкам. Адначасова з сустрэчаю Грызлова й Лукашэнкі пройдзе чарговае паседжаньне Аб`яднаннай калегіі МУС "саюзнай" дзяржавы Расеі й Беларусі.
Сустрэча Грызлова й Лукашэнкі пройдзе ў Гомлі, тамсама адбудзецца пятае паседжаньне Аб`яднанай калегіі МУС "саюзнай" дзяржавы Расеі й Беларусі. У паседжаньні калегіі прыме ўдзел міністар унутраных справаў Беларусі Ўладзімер Навумаў. Падчас сустрэчы расейскі й беларускі міністры прааналізуюць стан антыкрымінальнага супрацоўніцтва па розных накірунках аператыўна-службовай дзейнасьці.
У прыватнасьці будзе закранута пытаньне кантролю за знаходжаньнем замежных грамадзянаў і асобаў без грамадзянства на тэрыторыі "саюзнай" дзяржавы й ўзаемадзеяньне ДІБДР МУС Расеі з УДАІ МУС Беларусі па забесьпячэньню бясьпекі дарожнага руху ў прыгранічных раёнах.
Акрамя таго, на паседжаньні будзе разгледжана пытаньне аб арганізацыі ўзаемнага навучаньня супрацоўнікаў ворганаў унутраных справаў у адукацыйных установах МУС Расеі й Беларусі.
