Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Запазычанасьць за электраэнэргію катастрафічна павялічваецца 11:08, 02/05/2001
Толькі ў бягучым годзе яна павялічылася на 120 мільярдаў рублёў і да 1 красавіка склала 423,3 мілярды рублёў. Пры гэтым вялікая доля бартэру: у 2000 годзе аплата "жывымі" грашыма была прыкладна 42%, а ў першым кварталі 2001 - 40%. Найбольшую запазычанасьць - каля 65% ад агульнай сумы - мае сельскагаспадарчая галіна, 29 мільярдаў за "бюджэтнікамі", у прыватнасьці за ўстановамі Мінадукацыі. Нізкі ўзровень плацяжоў адзначаецца і ў арганізацыях Мінабароны - толькі 33% у першым кварталі.
Доўг прадпрыемстваў і арганізацыяў, падведамственных міністэрствам прамысловасьці, будаўніцтва і архітэктуры, склаў адпаведна 10 млрд. і 8 млрд. рублёў. Аднак гэтыя лічбы не гавораць пра рэальнае становішча справаў, бо прадпрыемствы Мінпраму й Мінбудархітэктуры маюць вялікую колькасьць адтэрміновак па пляцяжах за энэргарэсурсы, якія ніводнаму суб`екту гаспадараньня не дапамаглі палепшыць фінансавае становішча.
Да гэтага ж іхняя наяўнасьць зьніжае дысцыпліну плацяжоў. Акрамя таго, існаваньне адтэрміновак прадпрыемствам без аналягічных ільготаў арганізацыям энэргазабесьпячэньня прывяло да пагаршэньня фінансавага становішча энэргетычнай галіны.
, iнформэр
