Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пасьля стыхійнай забастоўкі камвольшчыкаў адпраўляюць ў нізкааплочваемыя водпускі 11:09, 02/05/2001
У адказ на нядаўнюю забастоўку рабочых Менскага камвольнага камбінату, калі каля 400 чалавек з патрабаваньнямі павышэньня і своечасовай заработнай платы перакрылі рух па вуліцы Маякоўскага, адміністрацыя камбінату вырашыла адправіць 60% рабочых у нізкааплочваемыя водпускі.
Загад аб гэтым генэральны дырэктар камвольнага камбінату Вікенцій Шкатула выдаў напярэдадні першамайскіх выходных. І хаця пасьля нашумелай стыхійнай акцыі пратэсту рабочых кіраўніцтва заводу вымушана было задаволіць патрабаваньні камвольшчыкаў і за два дні выплаціла запазычанасьць па заробку, гэта не вырашыла праблему канфлікту на прадпрыемстве, якаое перажывае глыбокую крызу.
"На камвольным камбінаце складаная сытуацыя. "Камволь" выпускае выдатную тканіну, але нашыя швейныя прадпрыемствы не маюць грошай для таго, каб яе набыць. Ня могуць тканіну набыць і гармадзяне з-за нізкіх заробкаў. Павышэньне заробку да 100 даляраў, як плянуе Лукашэнка, праблемы ня вырашыць. Дасягнем 100 даляраў, выплацім адзін раз - і прадпрыемствы спыняцца цалкам",-- пракаментаваў радыё "Свабода" сытуацыю на камвольным камбінаце лідэр прафсаюзу лёгкай прамысловасьці Валеры Ждановіч.
, iнформэр
