 | ПАЛIТЫКА | |
Пяцёрка лепш за тройку
11:12, 03/05/2001
Пачаткам першага этапу агульнай перамогі шырокай кааліцыі на надыходзячых прэзыдэнцкіх выбарах сталі, па словах арганізатараў, заява пяці вядомых у Беларусі палітыкаў аб аб`яднаньні ў барацьбе за пост главы дзяржавы. Сёньня ў Менску старшыня Федэрацыі прафсаюзаў Беларусі Ўладзімер Ганчарык, экс-губернатар Гарадзенскай вобласьці, лідэр аб`яднаньня "Рэгіянальная Беларусь" Сямён Домаш, старшыня Камуністычнай партыі Беларусі Сяргей Калякін, экс-міністар абароны генэрал Павал Казлоўскі і экс-міністар беларусі Міхаіл Чыгір правялі прэсавую канферэнцыю, на якой адказалі на пытаньні аб сваёй дзейнасьці на гэтым самым этапе. 
11:11, 03/05/2001
Пяць вядомых палітыкаў - старшыня Федэрацыі прафсаюзаў Беларусі Ўладзімер Ганчарык, экс-губернатар Гарадзенскай вобласьці, лідэр аб`яднаньня "Рэгіянальная Беларусь" Сямён Домаш, старшыня Камуністычнай партыі Беларусі Сяргей Калякін, экс-міністар абароны генэрал Павал Казлоўскі і экс-міністар Беларусі Міхаіл Чыгір - заявілі 25 красавіка аб дасягнутай паміж імі дамоўленасьці па каардынацыі дзеяньняў для дасягненьня агульнай мэты - перамогі на прэзыдэнцкіх выбарах. Сёньня ў Менску адбудзецца прэсавая канферэнцыя "пяцёркі", якая мае намер больш падрабязна распавесьці пра свае пляны дзеяньняў перад выбарамі.
11:10, 03/05/2001, Ю.С.Ньюс
Ужо двойчы - 26 і 30 красавіка радыёстанцыя "ВВС Radio 4" трансьлявала праграму "Зьніклыя на Беларусі", падрыхтаваную з дапамогаю агенцтва "Ю.С.Ньюс". Праграма выйшла ў рамках папулярнага праэкту "Crossing Continents" ("Перасякаючы кантынэнты"). Слухачам была абмалявана агульная сытуацыя вакол зьнікненьня вядомых у Беларусі людзей. А пасьля ў інтэрвію перадачы даў сакратар Савету Бясьпекі Латыпаў, які зноў адмаўляў, што да "гучных справаў" маюць дачыненьне ўлады:
11:09, 03/05/2001
Лёсу зьніклых бяз зьвестак Юры Захаранкі, Зьміцера Завадзкага, Віктара Ганчара й Анатоля Красоўскага прысьвечаны дакументальны фільм чэскага тэлебачаньня "Беларусь падж ценем Сталіна". Аўтары фільму дэпартаваны зь Беларусі журналіст Міхаіл Плавец, рэжысэр Роберт Сядлечык й сцэнарыст Пётар Ганавішэк наведалі сем`і зьніклых апанэнтаў Лукашэнкі і маюць намер паказаць дакументальную карціну не толькі ў Чэхіі: "Галоўнае чым мы можам дапамагчы зьніклым ахвярам беларускага рэжыму - гэта памятаць і нагадваць пра іхні лёс", - кажуць яны. Прам`ера "Беларусі пад ценем Сталіна" пройдзе на чэскім тэлебачаньні 9 траўня.
11:08, 03/05/2001, Ю.С.Ньюс
У апошнім нумары афіцыйны "Российской газеты" апублікавана інтэрвію, дзе расейскую публіку палохаюць амбасадарам ЗША ў Беларусі Майклам козакам і заклікаюць пахутчэй інтэграваць Беларусь у "Расею".
11:07, 03/05/2001
В Ленинском районном суде Гродно началось предварительное рассмотрение дела о выселении из дому семьи Семена Домаша, члена президиума Верховного Совета 13 созыва и одного из четверых возможных демократических кандидатов.
11:06, 03/05/2001
Апеляцыйны суд Беластоку адмяніў рашэньне суда нізшай інстанцыі аб экстрадыцыі беларускага бізнэсмэна Андрэя Жукаўца ў Беларусь і пастанавіў вызваліць яго з-пад варты. Суд можа вярнуцца да разляду справы толькі ў тым выпадку, калі беларускія ўлады прадаставяць польскаму боку пераканаўчыя доказы віны Андрэя Жукаўца.
11:05, 03/05/2001
Ваенны парад, які першапачаткова плянавалася правесьці ў Менску 9 траўня, перанесены на 3 чэрвеня - Дзень Незалежнасьці Беларусі. Пра гэта карэспандэнту БЕЛТА паведаміў начальнік адзьдзелу службы войскаў Галоўнага штабу ўзброеных сілаў палкоўнік Міхаіл Няўзораў, які аргумэнтаваў гэты раптоўны перанос тым, што парады з нагоды Дня Перамогі заўсёды праводзіліся толькі па юбілейных датах.
11:04, 03/05/2001, Прэсавы цэнтар СПБ
Урад і прэзыдэнт Беларусі прынялі шэраг дакумантаў "во благо"сваіх грамадзянаў. Па-першае, у мэтах паляпшэньня матэрыяльнага становішча студэнтаў, стыпендыя пачала налічвацца ў цьвёрдых стаўках. У выніку гэтага студэнты атрымалі стыпендыіі ў меньшым памеры бяз уліку інфляцыі. Па-другое, адменены амаль усе ільготы людзям, што пацярпелі ад аварыі на ЧАЭС. Зараз урад выйшаў з інцыятываю адмяніць датэрміновы выхад на пенсію наступных катэгорыяў асабаў: што працуюць у шкодных умовах і за выслугу гадоў. Гэтыя амаральныя рашэньні, акрамя таго, актыўна расхвальваюцца ў дзяржаўных СМІ: беларусаў спрабуюць пераканаць, што ўсе наступствы аварыі ўжо прайшлі, і што іншыя мерапрыемствы дапамогуць сэканоміць грошы на родную сельскую гаспадарку.
11:03, 03/05/2001
Савет Міністраў Беларусі ўстанавіў на 2001 год квоты прыёму для уцекачоў пасяленьня ў рэгіёнах рэспублікі. Згодна з гэтым дакумантам, квоты для Віцебскай і Гомельскай абласцей сёлета складуць па 15 бежанцаў, для Брэсцкай і Магілёўскай - па 16, Гарадзенскай і Менскай - па 19 бежанцаў.
11:02, 03/05/2001, AP
У Югаславіі арыштаваны яшчэ два прыхільнікі Слабадана Мілошавіча, якіх падазраюць у фінансавых махінацыях, паведамляе бялградзкая радыёстанцыя В-92. Небойша Маліковіч і Мілан Джуравіч - зьяўляюцца вядучымі членамі партыі "Югаслаўскія левыя", якую узначальвае жонка Мілошавіча Мір`яна Марковіч. Абодва арыштаваных зьмешчаны ў турму. Н. Маліковіча абвінавачваюць у злоўжываньнях у пытаньнях фінансаваньня партыі ў той час, калі яна выходзіла ў правячую кааліцыю разам з Сацыялістычнай партыяй Сэрбіі Мілошавіча.
11:01, 03/05/2001
3 траўня 2001 года, у Міжнародны Дзень Свабоды Прэсы, Камітэт Абароны Журналістаў (CPJ) назваў сьпіс дзесяці страшных ворагаў прэсы ў 2001 годзе, які факусуе ўвагу на сусьветных палітычных лідэрах, што нясуць адказнасьць за самыя сур`ёзныя парушэньні свабоды прэсы ў сьвеце. У гэтым годзе да іранскага Вярхоўнага лідэра Аятолі Алі Хаменэй і Прэзыдэнта Кітая Дзян Дземіню, якз займаюць першыя пазыцыі ў сьпісе горшых апрэсараў свабоды прэсы ўжо не першы год, далучыўся Прэзыдэнт Ліберыі Чарлз Тэйлар.
| |
|
, iнформэр
