Зьнешнегандлёвы зварот рэспублікі па-ранейшаму скарачаецца :: Хартыя'97 :: Навiны

Зьнешнегандлёвы зварот Беларусі склаўся ў фактычных коштах у даляравым выражэньні ў памеры 3504,2 мільёнаў даляраў і скараціўся ў параўнаньні са студзенем-сакавіком 2000 года на 4,4%. Агульны аб`ём экспарту рэспублікі павялічыўся ў фактычных коштах ў даляравым выражэньні ўсяго на 6,4%, а агульны аб`ём імпарту Рэспублікі Беларусь скараціўся на 13,5%.

Таваразварот з краінамі СНД склаў 2316,5 млн. даляраў ці 66,1% агульнага таваразвароту рэспублікі, з астатнімі краінамі -- 1187,7 млн. дал. ці 33,9% агульнага таваразвароту.

Коштавы аб`ём зьнешняга гандлю зь дзяржавамі Садружнасьці павялічыўся на 0,2%, зь дзяржавамі па-за СНД скараціўся на 12,3%.

Агульны аб`ём экспарту Рэспублікі Беларусь склаўся ў памеры 1773,5 млн. дал., у тым ліку экспарт у краіны СНД склаў 1071,0 млн. дал., зь іх у Расею 916,8 млн. дал., на Ўкраіну - 130,4 млн. дал.; у дзяржавы па-за СНД - 702,5 млн. дал., зь іх у Нямеччыну - 58,6 млн. дал.

Агульны аб`ём імпарту склаўся ў памеры 1730,7 млн. даляраў. У тым ліку імпарт з краінаў СНД склаў 1245,5 млн. даляраў, зь іх з Расеі - 1166,9 млн. даляраў, з Украіны - 65,3 млн. даляраў; з дзяржаваў па-за СНД - 485,2 млн. даляраў, зь іх з Нямеччыны - 113,2 млн. даляраў.

Пры гэтым з краінаў СНД імпарт скараціўся на 10,8%, у тым ліку з Расеі - на 7,3%, з Украіны - на 28,4%; з дзяржаваў па-за СНД скараціўся на 19,8%, у тым ліку зь Нямеччыны - на 19,6%.