Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Амерыканцы дамовіліся зь літоўцамі пашырыць радыёвяшчаньне на Беларусь 11:07, 04/05/2001, Ю.С.Ньюс
Кіраўнік федэральнай камісіі камунікацыяў ЗША Марк Натансон, на сустрэчы ў Вільні з прэзыдэнтам Літвы Валдасам Адамкусам і сьпікерам Сойму Артурасам Паўлаўскасам, адзначыў, што свабода слова Літвы служыць прыкладам для іншых дзяржаваў. М.Натансон заявіў, што зацікаўлены ў перспектывах вяшчаньня на беларускай мове зь Літвы. А.Паўлаўскас ухваліў гэта і зазначыў, што Літва мае нацыянальны інтарэс прапагандаваць свабодную дэмакратычную думку ў Беларусі: "Мы хацелі б памякчэньня кантролю сродкаў масавай інфармацыі й павелічэньня інфармацыі ў суседняй Беларусі", -- сказаў А.Паўлаўскас.
Радыё "Балтыйскія хвалі" (ініцыятыва кансэрватыўнага дэпутата Сойму Рымантаса Плейкіса) вяшчае на Беларусь зэ Вільні ўжо некалькі гадоў. Р.Плейкіс выйграў сапраўдную бітву за ліцэнзію для сваёй станцыі з літоўскімі палітыкамі і кіраўнікамі мас-медыя, якія казалі, што гэта будзе спробай умяшальніцтва ва ўнутраныя беларускія справы і яўна пагоршыць літоўска-беларускія дачыненэні.
Як перадае агенцтва БНС, "Беларусь нядаўна эксперыментавала з глушэнэнем замежных радыёсыгналяў - нечым падобным рэгулярна займаўся Савецкі Саюз пад час халоднай вайны".
, iнформэр
