Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пад патрабаваньнем "Заробак на ўзровень коштаў!" падпісалася 200 тысячаў чалавек 11:10, 04/05/2001
Паводле зьвестак Федэрацыі прафсаюзаў Беларускай, да сярэдзіны красавіка пад рэзалюцыяй мітынгу "Зарплату -- на ўзровень цэн!" падпісаліся каля 200 тысячаў чалавек. Рабочыя запатрабавалі прывесьці заработную плату ў адпаведнасьць з узроўнем коштаў, павысіць тарыфную стаўку 1-га разраду да памеру бюджэту пражытачнага мінімуму, давесьці заробак работнікаў бюджэтнай сфэры да 100 адсоткаў ад узроўню зарплаты ў прамысловасьці, падпісаць Генэральнае пагадненьне на 2001-2003 гады з улікам прапановаў ФПБ, спыніць абмежаваньне правоў прафсаюзаў і ўмяшальніцтва ў іх статутную дзейнасьць.
Паводле інфармацыі ФПБ, больш за ўсё подпісаў сабрана ў прафсаюзах работнікаў адукацыі і навукі -- 167 тысячаў, хімічнай, горнай і нафтавай галін прамысловасьці -- 10 тысячаў, будаўніцтва і прамысловасьці будаўнічых матэрыялаў -- 2,6 тысячы, абароннай прамысловасьці -- 2,4 тысячы. Найбольшую актыўнасьць праявілі прафсаюзныя арганізацыі ВА "Беларуськалій" (8.000 подпісаў), Барысаўскага крыштальнага заводу імя Дзяржынскага (1.917), наваполацкага заводу "Вымяральнік" (1.179), Менскага падшыпнікавага заводу (840).
, iнформэр
