Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пікет, прымеркаваны да гадавіны зьнікненьня экс-міністра ўнутраных справаў Беларусі генэрала Юры Захаранкі прайшоў у Менску на перасячэньні вуліц Магілёўская і Слонімская - тым самым месцы, дзе дакладна два гады таму бяз зьвестак зьнік Захаранка. Пікет быў арганізаваны Аб`яднанай Грамадзянскай Партыяй у рамках кампаніі "Хочам ведаць праўду!" 10 чалавек вышлі на самае люднае месца раёну з партрэтамі зьніклага палітыка ў руках.
Праваабарончыя ворганы Беларусі зноў прымянілі сілу да праціўнікаў Лукашэнкі 6 траўня. На гэты раз, як паведамляе НТБ, местам сутыкненьня стаў не Менск, а невялікі раённы цэнтар Лепель. Настрой міліцыі быў настолькі рашучым, што перасьледу падвергнуліся нават журналісты.
Акцыя "Канчатковы дыягназ" прайшла ў мінулыя выходныя яшчэ ў трох гарадах Беларусі. Магілёўскія зубры наладзілі раздачу відыёкасетаў і газэтаў, прысьвечаных псыхічнаму захворваньню Аляксандра Лукашэнкі ў некалькіх кропках горада. У Жодзіна прайшоў пікет з раздачаю таго самага спэцвыпуску. У Бабруйску акцыя была праведзена ў гарадзкім парку культуры і адпачынку.
Удзельнікі руху ЗУБР былі затрыманыя ў Слоніме 6 траўня падчас раздачы на тэрыторыі школы газэты "Зубр". Дырэктар школы праявіў празьмерную пільнасьць і паведаміў у мясцовы адзьдзел КДБ. Чэкісты не заставілі сябе доўга чакаць: хлопцы былі затрыманыя, але пасьля непрацяглай размовы ўсё ж такі былі перададзены ў міліцыю - аднак "шчырай" размовы не атрымалася.
Жыхары Менску Сяргей Папкоў і Валерый Буйвал, якія накіравалі ў гарвыканкам заяўку на правядзеньне ў Менску 18 траўня сходу грамадзянаў, папярэджаны пра магчымыя негатыўныя для іх наступствы. 4 траўня заяўнікі былі выкліканы ў адзьдзел па сувязях з грамадзкасьцю ГУУС Менгарвыканкаму. Ад імя кіраўніцтва ГУУС ім было перададзена: усе, хто 18 траўня прыйдзе на Кастрычніцкую плошчу для ўдзелу ў сходзе, будуць затрымлівацца. Акрамя таго, калі арганізатары не адмовяцца ад заяўленага мерапрыемства, будуць узбуджаны справы па акцыях, што прайшлі 26 красавіка на праспекце Ф.Скарыны.
На радзіме Аляксандра Лукашэнкі, вёсцы Александрыя Шклоўскага раёну, на Радаўніцу, як і ва ўсёй краіне, і стары, і малы падаліся на могілкі. Але ці прыедзе да магілаў сваіх продкаў сам прэзыдэнт? Магчыма, хто ў Алесандрыі распавядзе пра ягоных сваякоў, пакажа магілкі? Які сьлед яны пакінулі на беларускай зямлі? Можа, маці Аляксандра Рыгоравіча пагодзіцца распавесьці пра род Лукашэнкі?
Міністар абароны Латвіі Гіртс Крыстоўскіс у інтэрвію рыжскай газэце "Субота" назваў у якасьці аднаго зь верагодных праціўнікаў Латвійскай рэспублікі - Беларусь. У бліжэйшыя дні латвійскі пасол у Менску будзе выкліканы ў беларускі МЗС для дачы афіцыйных тлумачэньняў.
Прэзыдэнт Югаславіі Ваіслаў Каштуніца сёньня адправіўся ў Нью-Ёрк, 8 траўня ён будзе аб`яўлены палітыкам года. Як перадае карэспандэнт РІА "Новости", такое званьне яму прысуджана амэрыканскім інстутутам Усход-Захад.
"Мужчыну сілком завалаклі ў машыну, на задняе сядзеньне, і тыя трое ў ітацкім селі на яго зьверху. Ногі ляжачага тырчалі змашыны. "Жыгулі" па алеі выехалі на вуліцу Жукоўскага", - такое сенсацыйнае прызнаньне зрабіў напярэдадні жалобнай гадавіны газэце "Народная воля" сьведка выкраданьня экс-міністра ўнутраных справаў генэрала Юры Захаранкі. Захаранка быў выкрадзены недалёка ад свайго дому вечарам 7 траўня 1999 года. З таго часу пра ягоны лёс няма ніякіх дакладных дадзеных. Чытайце тэкст інтэрвію сьведкі злачынства цалкам.
Пікет, прысвечаны двухгадовай гадавіне зьнікненьня экс-міністра ўнутраных справаў генэрала Юры Захаранкі, прайшоў у Менску сёньня ля Палацу рэспублікі. Пяцёра барысаўскіх актывістаў апазыцыі Алесь Абрамовіч, Алесь Барадуля, Тацяна Ясюк, Сяргей Падзолка й Зьміцер Фядорчанка выйшлі на Кастрычніцкую плошчу сталіцы з плякатамі "Дзе зьніклыя людзі? Зьміцер Завадзкі, Анатоль Красоўскі, Юры Захаранка, Віктар Ганчар?", "Хто наступны?", "Рукі прэч ад апазыцыі!"
Акцыя "Канчатковы дыягназ" прайшла ў Магілёве 3 траўня. А палове на другую ў павільён Цэнтральнага рынку горада ўпэўненым крокам увайшоў чалавек у вусатай масцы. Ён падыйшоў да мясных латкоў, пачаў тыркаць мяса пальцам, ухапіў сьвіную галаву й стаў дазнавацца ў гандляроў, чым кармілі свіней і чаму мяса такое дарагое. Незадаволены адказам, дурань узвар`яваўся: абяцаў усіх пасадзіць і карміць выключна рэдысай.
Аляксандар Лукашэнка выступіў з рэзкай крытыкаю дзейнасьці кансультатыўна-назіральнае групы АБСЭ ў Беларусі і ейнага кіраўніка Ханса-Георга Віка. На ягоную думку, 14 тысячаў грамадзкіх назіральнікаў, якія пад эгідаю АБСЭ будуць працаваць на прэзыдэнцкіх выбарах, гэта "армия бандитов и коллаборационистов". Такія характарыстыкі супрацоўнікі АБСЭ паймелі за тое, што глава місіі АБСЭ Ханс-Георг Вік дазволіў сабе крытыкаваць Менск за манаполію на электронныя СМІ й дыскрымінацыю незалежнай прэсы.
Адну судовую справу прайграў Дзяржаўны камітэт па друку ў гэтым годзе. Як істца выступіла газэта "Брэсцкі кур`ер". У мінулым годзе, па словах старшыні камітэту Міхаіла Падгайнага, такіх выпадкаў было чатыры. Усяго ж за гэты перыяд перыядычныя выданьні рэспублікі атрымалі 68 папярэджаньняў ад друкаванага ведамства за парушэньне закону аб друку. Як лічыць Міхаіл Падгайны, зараз судовы працэс, у выпадку сустрэчных зыскаў, для газэтаў і часопісаў будзе больш складаным. Згодна новаму заканадаўству, істца /перыядычнае выданьне/ павінен даказваць неправату адказчыка (Дзяржкамдруку), а не наадварот, як гэта было раней.
Пад асабістую адказнасьць кіраўнікоў прадпрыемстваў Міністэрства сельскай гаспадаркі і харчаваньня абавязалі аблсельгаспроды і рэспубліканскія аб`яднаньні да 11 траўня цалкам разьлічыцца за выкарыстаныя з пачатку года энэргарэсурсы.
Урад Украіны ўвёў новы парадак уезду ў краіну для грамадзянаў СНД. Зараз усім жыхарам краінаў Садружнасьці, акрамя расейцаў і беларусаў для ўезду ў гэтую краіну неабходны замежны пашпарт. Напярэдадні міністар замежных справаў Украіны Анатоль Зелянко нагадаў, што Кіеў падпісаў з Масквою й Менскам адпаведныя пагадненьні, дзякуючы якім грамадзяне Расеі й Беларусі могуць прызджаць на Ўкраіну са звычайным пашпаратам.
У першым кварталі гэтага года істотна ўзрасьлі аб`ёмы паставак харчаваньня зь Беларусі ў сталіцу Расеі, паведаміў намесьнік міністра сельскай гаспадаркі й харачаваньня Беларусі Іван Аверчанка.
, iнформэр
