Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пікет на месцы зьнікненьня Юры Захаранкі 11:16, 07/05/2001
Пікет, прымеркаваны да гадавіны зьнікненьня экс-міністра ўнутраных справаў Беларусі генэрала Юры Захаранкі прайшоў у Менску на перасячэньні вуліц Магілёўская і Слонімская - тым самым месцы, дзе дакладна два гады таму бяз зьвестак зьнік Захаранка. Пікет быў арганізаваны Аб`яднанай Грамадзянскай Партыяй у рамках кампаніі "Хочам ведаць праўду!" 10 чалавек вышлі на самае люднае месца раёну з партрэтамі зьніклага палітыка ў руках.
Да пікетчыкаў адразу падыйшоў супрацоўнік праваахаоўчых ворганаў і пацікавіўся ў аднаго зь лідараў АГП Аляксандра Дабравольскага пра мэту сходу. Дабравольскі нагадаў яму пра тое, што на гэтым месцы два гады таму невядомымі быў выкрадзены генэрал Захаранка. Напрацягу гадзіны да іх не раз падыходзіў маёр і лейтынант з РУУС Кастрычніцкага раёну, аднак ніякіх супрацьправавых дзеяньняў супраць мітынгоўцаў не прадпрымаў. Адметны той факт, што праз 10 хвілінаў пасьля пачатку акцыі супрацоўнікі праваахоўчых ворганаў падыйшлі да групы журналістаў НТБ і патрабавалі ад аператара неадкладна спыніць здымку. Атрымаўшы рашучую адмову, міліцыянты рэтыраваліся.
