Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
7 траўня ля будынку беларускай амбасады ў Галяндыі актывістамі беларускай дыяспары з галяндзкага філіялу Беларускага Цэнтру быў упершыню праведзены пікет пратэсту супраць масавых зьнікненьнеў людзей на Беларусі. Такім чынам, Галяндыя стала яшчэ адной краінаю Заходняй Эўропы, у якой аб`ядналіся уцекачы зь Беларусі з мэтаю паскорыць працэс яе дэмакратызацыі. Імі быў створаны філіял Беларускага Цэнтру пад старшынствам Эдуарда Крупянскага, галоўны офіс ягога разьмяшчаецца ў Брусэлі. З пачатку гэтага года актывісты арганізацыі правялі некалькі пікетаў ля будынкаў амбасадаў Расеі й Беларусі, паведамляе Беларускі Цэнтар у Бельгіі.
"Умовы знаходжаньня ў Беларусі Кансультыўна-назіральнае групы АБСЭ могуць быць перагледжаны", -- такая пагроза прагучала з вуснаў віцэ-прам`ера беларускага ўраду, міністра замежных справаў Міхаіла Хвастова падчас сустрэчы з главою місіі АБСЭ ў Менску паслом Хансам-Георгам Вікам.
Так назвалі блокбастэр беларускага рэжысёра Міхаіла Пташука "У жніўні 44-га…" расейскія СМІ. І гэта нягледзячы на тое, што ваенны дэтэктыў стаў для Беларусі дзяржаўнаю справаю - Лукашэнка асабіста назіраў за ягоным стварэньнем. Ён цьвёрда верыў, што "Жнівень" трапіць на Канскі фестываль, і выдзяліў з рэспубліканскага бюджэту амаль два мільёны даляраў, што пры таннай кінавытворчасьці стала каласальнай сумаю. На ўзрушэньне Лукашэнкі, беларускіх грошай не хапіла й прыйшлося прыцягваць расейскія, таксма, дарэчы, бюджэтныя. Здымацца ў фільме запрасілі дзесятак вядомых расейскіх акцёраў: "Несмотря на все усилия, грандиозная затея провалилась. Не то чтобы кино вышло из рук вон плохим, но получилось настолько неряшливым и вторичным, что претензии на мировое событие оказались просто смешными. К тому же накануне выхода подковерные склоки, сопровождавшие производство, во всей красе вылезли наружу", -- піша Gazeta.ru.
Яе павінны былі правесьці ў Гародні 11-12 траўня. У сакрэтарыяце сходу карэспандэнту РІА "Новости" адмовiлiся патлумачыць, чаму паседжаньне адменена. Няма пакуль і даты правядзеньня сэсіі. Адзначым, у Гародні павінны былі абмяркоўваць, як выконваецца бюджэт саюзнай дзяржавы на гэты год, а таксама праблемы саюзнага казначэйства. Нагадаем, дзяржсакратар "саюзу" Расеі й Беларусі Павал Барадзін некалькі месяцаў правёў у турме, спачатку ў ЗША, пасьля ў Швэйцарыі. У сярэдзіне красавіка яго адпусьцілі пад буйны грашовы заклад.
"Грамадзянскі форум" сабраў 27 тысячаў подпісаў супраць прымусовага разьмеракаваньня. Арганiзацыя прапаноўвае выключыць з прэкту новай рэдакцыі закону "Аб адукацыі ў Рэспубліцы Беларусь" норму аб прымусовым разьмеркаваньні выпускнікоў.
У першым кварталі гэтага года на 152 тысячы 400 тонаў зьнізіўся аб`ём перапрацоўкі нафты на "Нафтане". Зьмянілася й структура спажыўцоў нафтапрадуктаў. Як сьледзтва - плян па акцызах не выкананы на 4 мільярды 900 мільёнаў рублёў. Але калі ад паступленьня акцызаў бюджэт Наваполацку, дзе знаходзіцца НПЗ, не залежыць, то на ПДК мясцовы бюджэт завязаны, бо ў горадзе застаецца 7% ад зьбіраемага падатку. А прычына невыкананьня пляну па ПДК у тым, што ўсё той самы "Нафтан" стаў закупаць уласную нафту ў Расеі, а адпаведна ўплачваць падатак на дабаўлены кошт у бюджэт Расейскай Федэрацыі.
Заўтра ў Менску не адбудзецца традыцыйны ваенны парад з нагоды Дня Перамогі. Па афіцыйнай версыі, ён не адменены, а перанесены на 3 ліпеня - Дзень вызваленьня Менску. У міністэрстве абароны кажуць, што мерапрыемства вырашана не праводзіць у сувязі з тым, што "дата не юбілейная", хаця да гэтага ў міністэрстве казалі, што падрыхтоўка да параду йдзе поўным ходам. Больш за тое, месяц таму, калі кіраўніцтву мінабароны прадстаўлялі ягонага новага главу Леаніда Мальцава, Лукашэнка заявіў, што першым іспытам для яго стане як раз парад з нагоды 9 траўня.
Падчас раздачы спэцвыпуску "Нашай Свабоды" 7 траўня ў Менску былі затрыманы 11 зуброў. Спачатку ў раёне плошчы Перамогі міліцыянты затрымалі непаўналетніх Паўла Кісьлякова, Мікалая Ляшковіча, Аляксея Рудакоўскага, Сяргея Цітаўца. У хлопцаў забралі газэты без складаньня пратаколу.
2 ці 9, 16 ці 23 верасьня 2001 года - верагоднее за ўсё, менавіта ў адзін з гэтых дзён адбудуцца выбары другога прэзыдэнта Беларусі. Гэтыя даты былі прапанаваны на паседжаньні рабочай групы па выпрацоўцы праэкту пастановы "палаты прадстаўнікоў" аб прызначэньні даты выбараў главы беларускай дзяржавы і аб арганізацыйных мерапрыемствах па забесьпячэньню іх правядзеньня.
Эўразьвяз выступіў у панядзелак з заяваю ў сувязі з другой гадавінаю з дня зьнікненьня ў Менску былога міністра ўнутраных справаў Беларусі Юры Захаранкі. Ён кіраваў МУС краіны ў 1994-1996 гадах. У далейшым перашоў у апазыцыю да кіраўніцтва краіны.
На брыфінгу ў Вашынгтоне 7 траўня выступіў прадстаўнік Дзярждэпартамэнту ЗША Рычард Баўчэр. У сваім выступе на брыфінгу ў Дзярждэпартамэньце ЗША Рычард Баўчэр, у прыватнасьці, сказаў: "Генэрал Юры Захаранка, былы міністар унутраных справаў Беларусі, зьнік два гады таму, і няма інфармацыі наконт таго, каб рабіліся сур`ёзныя спробы расьследваць ягонае зьнікненьне".
Аляксандар Лукашэнка выдаў у панядзелак дэкрэт для забесьпячэньня парадку правядзеньня мітынгаў і дэманстрацыяў. Гэты дакумэнт называецца "Аб некаторых мерах па ўдасканаленьню парадку правядзеньня вулічных шэсьцяў, дэманстрацыяў, іншых масавых мерапрыемстваў й пікетаваньня ў Беларусі", паведамілі "Інтэрфаксу" ў адміністрацыі главы дзяржавы.
Гарадзенскi мастак Зьміцер Iваноўскi, старшыня таварыства вольных майстроў i актывіст мясцовай арганiзацыi БНФ "Адраджэньне", атрымаў прадпiсаньне ад жыльлёва-эксплуатацыйнай службы № 5 горада Гародні, згодна зь якiм ён вымушаны да 10 траўня выселiцца са сваёй творчай майстэрнi.
Патрыярх Маскоўскі й Усея Русі не мае намеру запрашаць Папу Рымскага ў Расею. Пра гэта агенцтву Інтэрфакс заявіў глава Рускай Праваслаўнай Царквы Алексій Другі. Ён мяркуе, што візыт у Расею главы рымскай катаіцкай царквы "наўрадці магчымы ў хуткім часе". Асноўнаю перашкодаю да гэтага зьяўляецца, як ён выказаўся "экспансія каталіцызму", якая на думку Алексія другога разьвіваецца ў Расеі, Беларусі, на Ўкраіне, у Казахстане і шэрагу іншых зямель "на фоне выбачэньняў і словаў прымярэньня".
Пенсіі ніжэй за бюджэт пражытачнага мінімуму атрымліваюць 200 тысячаў беларускіх грамадзянаў. Пра гэта паведаміла міністар сацыяльнай абароны краіны Вольга Даргель 4 траўня на прэсавай канферэнцыі ў Менску.
У гаспадарках аграпрымысловага коплексу Віцебскай вобласьці па-ранейшаму не выконваецца адзін з галоўных пунктаў калектыўных дамоваў і пагадненьняў - своечасовая выплата заработнай платы. Асабліва ў Пастаўскім і Віцебскім раёнах. Больш за 400 гаспадарак не разьлічыліся з сялянамі за сакавік, хаця ўжо час плаціць грошы за красавік. Запазычанасьць па заработнай плаце складае сёньня 2 мільярды рублёў.
З пачатку года ў Расеі зарэгістравана 35 выпадкаў шаленства ў жывёлаў, у асноўным у прыгранічных зь Беларусьсю раёнах: Красьнініскім, Манастыршчынскім, Хіславічаскім, Шумячаскім і Ершычаскім. На думку галоўнага ветырынарнага інспектара вобласьці Алега Новікава, хваля захворваньня зьвязана з рэзкім памяншэньнем прымяненьня ядахімікатаў і ўгнаеньняў на палях, што садзейнічала распаўсюджаньню грызуноў.
, iнформэр
