Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пракуратура Беларусі мае намер заўтра, 11 траўня, абнародаваць падрабязнасьці справы па факце зьнікненьня аператара ГРТ Зьміцера Завадзкага. Як стала вядома з крыніцаў у праваахоўчых ворганах Менску, расьсьледаваньне завершана. Да гэтага часу падрабязнасьці сьледзтва не разгалошваліся. У якасьці абвінавачаных фігуруюць некалькі байцоў спэцназу й людзі зь асабістай аховы прэзыдэнта Лукашэнкі. Заўтра ў Нацыянальным прэсавым цэнтры ў 11.00 пройдзе прэсавая канферэнцыя намесьніка Генэральнага пракурора Міхаіла Сьнегіра й кіраўніка сьледчай групы па справе Зьміцера Завадзкага івана Бранчаля.
Дзяржсакратар "саюзнай дзяржавы" Расеі й Беларусі Павал Барадзін сёньня адправіцца з рабочай паездкай у Менск. А на заўтра заплянаваныя ягоныя сустрэчы з Лукашэнкам і прам`ер-міністрам Уладзімерам Ярмошынам. Рабочая сустрэча Барадзіна з Лукашэнкам першапачаткова плянавалася ў рамках 18-ай сэсіі Парляманцкага сходу "саюзу" Расеі й Беларусі. Паседжаньне было прызначана на 11-12 траўня ў Гародні, аднак затым было перанесена на нявызначаны тэрмін. Як заявілі крыніцы ў апараце дзяржсакратара, нягледзячы на пагаршэньне стану здароўя, Барадзін 16 траўня выляціць у Жэневу, дзе 17 траўня адбудзецца ягоны допыт у пракуратуры.
У прэсавай службе польскага МЗС, куды зьвярнулася літоўскае адзьдзяленьне агенцтва BNS, паведамілі, што па пытаньню намераў Беларусі правесьці чыгуначную лінію з Гародні ў Калініград праз Польшчу з прадстаўнікамі польскага боку пакуль ніхто не кансультаваўся.
Прыкладна такая сутнасьць адказу КС на зварот Беларускага прафсаюзу работнікаў навукі й адукацыі адносна ўзбуджэньня калектыўнай працоўнай спрэчкі па пытаньню павышэньня памераў аплаты працы работнікамі адукацыі. "Згодна частцы першай артыкулу 61 Працоўнага кодэксу Рэспублікі Беларусь, гаворыцца ў лісьце за подпісам старшыні КС РБ Рыгора Васілевіча, - у арганізацыях, што фінансуюцца з бюджэту і карыстаюцца дзяржаўнымі датацыямі, аплата працы адбываецца на аснове гадзінных і месячных тарыфных ставак, што вызначаюцца ўрадам РБ ці паўнамоцным ім ворганам. У сувязі з тым, што Працоўны кодэкс не прадугледжвае ў якасьці боку калектыўнай спрэчкі ўраду, на думку Канстытуцыйнага Суда, рашэньне пытаньняў павышэньня заробку работнікамі адукацыі магчыма праз Генэральнае пагадненьне, бакамі якога ў адпаведнасьці з артыкулам 359 Працоўнага кодэксу зьяўляюцца рэспубліканскія аб`яднаньні прафсаюзаў і наймальнікаў, а таксама ўрад".
Галоўная прычына такой сытуацыі - цяжкасьці са збытам. Магазіны Гародні забітыя менскай, брэсцкай, гомельскай, клімавіцкай і іншай гарэлкаю, і гарадзенская проста не вытрымлівае канкурэнцыі, паведамляе БДГ. Да таго ж, як паведаміў "Вечернему Гродну" дырэктар прадпрыемства Ўладзімер Дубко, вытворчасьць прадукцыі стратна для завода.
Аляксандар Лукашэнка на ўрачыстым паседжаньні, прысьвечаным Дню Перамогі, заявіў, што Беларусь перажыла некалькі войнаў: першую - другую сусьсветную, другую - чарнобыльскую катастрофу, трэцюю - распад Савецкага Саюзу, а затым дадаў: "Сегодня нам пытаются навязать четвертую войну по образцу Югославии. На это брошены огромные деньги, осуществляется дикое беспрецедентное давление извне. Для реализации этих целей уже подобрана белпятерка предателей внутри страны". ( Ён меў на ўвазе пяць апазыцыйных беларускіх палітыкаў, якія заявілі, што будуць канкурэнтамі Лукашэнкі на выбарах - Ю.С.Ньюс).
Негатыўны рэйтынг Аляксандра Лукашэнкі вырас з 16 адсоткаў (у жніўні мінулага года) да 26,2 (у красавіку гэтага). Такія зьвесткі прывёў 8 траўня кіраўнік лябараторыі "Новак" Андрэй Вардамацкі на прэзэнтацыі вынікаў апытаньня грамадзкай думкі.
Прадстаўнічая дэлегацыя беларускіх апазыцыйных сілаў знаходзіцца ў гэтыя дні з візытам у Нарвегіі. Міжнародны каардынатар Хартыі`97 Андрэй Саньнікаў, старшыня Беларускай Асацыяцыi журналістаў Жана Літвіна, страшыня БНФ Вінцук Вячорка, глава праваабарончага цэнтру "Вясна" Алесь Бяляцкі, глава буйнога гарадзенскага аб`яднаньня "Ратуша" Аляксандр мiлiнкевiч, старшыня Цэнтра прававой дапамогі СМІ Міхаіл Пастухоў праводзяць шэраг сустрэчаў з афіцыйнымі асобамі краінаў скандынаўскага рэгіёну, правабаронцамі й журналістамі.
На 20 мінімальных заробкаў аштрафаваны Зьміцер Фядорчанка - адзін з удзельнікаў несакцыянаванага пікету, што прайшоў 7 траўня ля будынку Менскага аблвыканкаму. Акцыя была прысьвечана гадавіне зьнікненьня былога міністра ўнутраных справаў Беларусі Юры Захаранкі. Пікетаваньне аблвыканкаму правялі пяцёра актывістаў Беларускай сацыял-дэмакратычнай партыі (Народная Грамада). Праз 5 хвілінаў пасьля пачатку пікету ягоныя ўдзельнікі былі затрыманыя міліцыяй.
На сустрэчы намеcьніка прэм`ер-міністра міністра замежных справаў Міхаіла Хвастова зь кіраўніком Кансультатыўна-назіральнае групы (КНГ) АБСЭ ў Беларусі Хансам-Георгам Вікам, якая адбылася 7 траўня ў Менску, бакі не дасягнулі ніякага прагрэсу па тых пытаньнях, дзе існуюць разыходжаньні паміж КНГ і беларускім урадам, паведаміў БелаПАН 8 траўня сп. Вік.
Актывісты маладзёвага руху ЗУБР пачалі збор подпісаў у пасёлку Краева, што пад Віцебскам. Людзям прапаноўваецца падпісацца на лісьце з лягатыпам руху пад фразай: "Мы, грамадзяне горада Віцебску, падтрымліваем імкненьне маладзёвага руху ЗУБР палепшыць працу прыгараднага й гарадзкога транспарту ў перыяд дачнага сезону шляхам прыцягненьня ўвагі да гэтай праблемы і ставім свой подпіс". У пасёлку, дзе знаходзяцца дачы паловы горада, пасьля таго, як адзін дызельны цягнік быў адменены, падпісваліся амаль усе. Зубры, натхнёныя посьпехам, плянуюць пачаць збор подпісаў і ў самім Віцебску. Такога кшталту акцыя праводзіцца таксама ў Барысаве й Слоніме.
, iнформэр
