Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Сустрэча міністраў замежных справаў і главы КНГ АБСЭ была безвыніковай 11:02, 10/05/2001
На сустрэчы намеcьніка прэм`ер-міністра міністра замежных справаў Міхаіла Хвастова зь кіраўніком Кансультатыўна-назіральнае групы (КНГ) АБСЭ ў Беларусі Хансам-Георгам Вікам, якая адбылася 7 траўня ў Менску, бакі не дасягнулі ніякага прагрэсу па тых пытаньнях, дзе існуюць разыходжаньні паміж КНГ і беларускім урадам, паведаміў БелаПАН 8 траўня сп. Вік.
Паводле словаў кіраўніка КНГ АБСЭ, ягоная арганізацыя і ўлады Беларусі па-ранейшаму маюць розныя погляды на садзеяньне назіраньню за сёлетнімі прэзыдэнцкімі выбарамі ў Беларусі з боку КНГ. "Мы будзем працягваць кансультацыі", -- заявіў сп. Вік.
Кіраўнік беларускай дзяржавы Аляксандр Лукашэнка неаднаразова заяўляў, што садзеяньне з боку КНГ АБСЭ ў падрыхтоўцы назіральнікаў на выбары зьяўляецца ўмяшальніцтвам ва ўнутраныя справы Беларусі.
Прэсавая служба Міністэрства замежных справаў Беларусі паведаміла, што на ўчорашняй сустрэчы сп. Хвастоў таксама заявіў сп. Віку аб недапушчальнасьці таго, каб кіраўнік КНГ АБСЭ аб`ядноўваў вакол сябе сілы, якія стаяць ў апазыцыі да афіцыйных беларускіх уладаў.
, iнформэр
