Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Гарадзенскі лікёра-гарэлачны завод працуе тры дні на тыдзень 11:07, 10/05/2001
Галоўная прычына такой сытуацыі - цяжкасьці са збытам. Магазіны Гародні забітыя менскай, брэсцкай, гомельскай, клімавіцкай і іншай гарэлкаю, і гарадзенская проста не вытрымлівае канкурэнцыі, паведамляе БДГ. Да таго ж, як паведаміў "Вечернему Гродну" дырэктар прадпрыемства Ўладзімер Дубко, вытворчасьць прадукцыі стратна для завода.
Такая сытуацыя тыпічная і для іншых вытворцаў лікёра-гарэлачнай прадукцыі. Іхнія магутнасьці выкарыстоўваюцца ў рэспубліцы толькі напалову. Зараз на складах прадпрыемстваў галіны знаходзіцца каля 700 тысячаў дэкалітраў гарэлкі, якую яны спрабуюць рэалізаваць, у тым ліку і на нашых рынках.
Толькі на вытворча-гандлёвым аб`яднаньні "Менск Крышталь", па словах ягонага дырэктара Міхаіла Бялко, праблемаў са збытам няма. Аднак, што да экспарту беларускай гарэлкі, то ён значна спаў. Расея ўвяла адпаведныя меры, і зараз пастаўляць туды сваю прадукцыю для беларускіх лікёра-гарэлачных заводаў стала вельмі праблематычна. У гэтай сытуацыі прыходзіцца разьлічваць галоўным чынам на свой рынак, а таксама рынкі краінаў далёкага замежжа. З гэтай мэтаю на Гарадзенскім ЛГЗ зараз рыхтуюцца запусьціць тры новых найменьня белай гарэлкі.
, iнформэр
