Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Інтэрпол адмаўляе знаходжаньне ў Беларусі былога шэфа КДБ Грузыі 11:03, 17/05/2001, РІА "Ореанда"
Кіраўнік беларускага бюро Інтэрполу Ўладзімер Левітан не падцьвярджае інфармацыю міністра ўнутраных справаў Грузыі Кахі Таргамадзэ пра тое, што былы шэф грузынскай спэцслужбы Ігар Геаргадзэ, які расшукаваецца па абвінавачваньню ў арганізацыі замаху на Эдуарда Шэварнадзэ, праводзіць сустрэчы са сваімі аднадумцамі.
Больш таго, ніякіх запытаў пра магчымае знаходжаньне Ігара Геаргадзэ на тэрыторыі Беларусі ў Менск з Тбілісі не паступала, сказаў Левітан. Кіраўнік Беларускага бюро Інтэрполу заявіў, што Ігар Геаргадзэ пад сваім прозьвішчам Беларусі не перасякаў.
Зрэшты, Уладзімер Левітан не адмаўляе, што ў Беларусь па фальшывых пашпартах уязджае нямала грамадзянаў іншых краінаў. Аднак асобы, што выклікаюць падазрэньні абавязкова правяраюцца праз базу дадзеных Інтэрполу, сказаў ён. Калі Ігар Геаргадзэ ўсё ж калі-небудзь перасячэ беларускую мяжу, ён будзе арыштаваны як чалаек, аб`яўлены ў міжнародны росшук па лініі Інтэрполу, сказаў Левітан.
