Гарвыканкам дазволіў пікетаваць Мінпрам на адлегласьці ... 3 кілямэтраў :: Хартыя'97 :: Навiны

Рэспубліканскі савет прафсаюзу работнікаў аўтасельгасмашу абскардзіў у Маскоўскім судзе Менску рашэньне Менгарвыканкаму аб дазволе прафсаюзу пікетаваньня Міністэрства прамысловасьці. Пікетаваць Мінпрам прафсаюзы сабраліся з мэтай прыцягнеьня ўвагі да праблемы вялікай запазычанасьці па пералічэньню прафсаюзных узьнёскаў прадпрыемствам галіны. На паўторны зварот прафсаюз усё ж такі атрымаў дазвол, але яно не толькі не задаволіла, але і ўзрушыла членаў Савету прафсаюзу АСМ. Гарвыканкам дазволіў пікітаваньне Міністэрства прамысловасьці на адлегласьці 3 кілямэтраў.

Напрацягу доўгага часу Міністэрства прамысловасьці, адміністрацыя прадпрыемстваў аўтамабільнага й сельскагаспадарчага машынабудаваньня не забясьпечваюць выкананьне галіновага Тарыфнага пагадненьня. Неаднаразовыя звароты да кіраўніцтва Міністэрства, у дзяржаўныя ворганы кантролю й нагляду ня далі станоўчага выніку. На паўторны зварот Савету прафсаюзу Менскі гарвыканкам дазволіў пікетаваньне Міністэрства прамысловасьці 14,15,16 і 17 траўня 2001 года ў парку 50-годзьдзя Кастрычніка, які знаходзіцца ў 2,5-3 кілямэтрах ад будынку, дзе разьмяшчаецца Міністэрства прамысловасьці.

Такія адносіны гарадзкіх уладаў да зваротаў працоўных, што пратэстуюць супраць парушэньня чыноўнікамі і адміністрацыяй прадпрыемстваў Тарыфнага пагадненьня і калектыўных дамоваў, а таксама дзейснага заканадаўства, старшыня Савету прафсаюзу АСМ Аляксандар Бухвостаў назваў цынічным і зьдзеклівым.

"Савет прафсаюзу выказвае пратэст рашэнньню Мінгарвыканкаму, які парушае нормы міжнароднага права, Кастытуцыю і заканадаўства рэспублікі, заяўляе аб недапушчальнасцi падобных дзеяньняў. У які раз у рэспубліцы сёньняшнім рэжымам парушаюцца правы працоўных. Колькі можна гэта трываць!" - заявіў ён.