Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Да Лукашэнкі прыехалі "саюзьнічкі" 11:01, 22/05/2001
Старшыня Дзяржаўнай Думы Расейскай Федэрацыі, сьпікер парлямэнцкага сходу Саюзу Беларусі й Расеі Генадзь Селязьнёў, прыбудзе сёньня ў Менск для сустрэчы з Лукашэнкам. На сёньня 22 траўня прызначана сустрэча Лукашэнкі зь дзяржаўным сакратаром "саюзнай дзяржавы" Паўлам Барадзіным, які ў апошні час пачаў часьцяком прыязджаць у беларускую сталіцу.
Яшчэ адзін госьць беларускага прэзыдэнта, якога будзе прымаць Аляксандар Лукашэнка, гэта старшыня Выканкаму Садружнасьці Незалежных Дзяржаваў Юры Яраў. Размова на гэтай сустрэчы будзе йсьці пра ход выкананьня рашэньняў, прынятых на папярэднім саміце глаў дзяржаваў СНД, што адбыўся 1 сьнежня мінулага года ў Менску.
Акрамя таго, у цэнтры ўвагі будуць пытаньні фарміраваньня свабоднай зоны гандлю, барацьбы са злачыннасьцю і тэрарызмам, ход выкананьня Прграмы дзеяньняў па разьвіцьцю СНД на перыяд да 2005 года. Аднак галоўная ўвага будзе надзелена падрыхтоўцы да надыходзячага саміту СНД, які 31 траўня і 1 чэрвеня пройдзе ў Менску.
, iнформэр
