Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міністэрства статыстыкі й аналізу Беларусі жорстка выкрывае главу дзяржавы як ілгуна і хлуса. Такую выснову зрабіў на старонках газэты "Народная воля" доктар філасофскіх навук Вячаслаў Оргіш, аналізуючы выступы Аляксандра Лукашэнкі на другім Усебеларускім народным сходзе і афіцыйную статыстыку, якую публікуе рэспубліканскі Мінстат.
У Адміністрацыю прэзыдэнта накіраваны зварот галіновай арганізацыі прадпрымальнікаў Свабоднага прафсаюза Беларускага. У звароце да Лукашэнкі гаворыцца ад недапушчальнасьці той палітыкі, якую ўлады праводзяць у сфэры прадпрымальніцтва. У якасьці ўзору адносінаў уладаў да прадпрымальнікаў у звароце ўказваецца нядаўні дэкрэт аб адзіным падатку.
Цяглы канфлікт паміж Расеяй і Беларусьсю адносна ўвядзеньня адзіных мытных пошлінаў на нафтапрадукты, што экспартуюцца зь Беларусі, скончыўся з выдаткамі для беларускага бюджэту. Атрымалася, што беларускі бюджэт не толькі нічога не атрымаў пры ўвядзеньні новых правілаў, але яшчэ апынуўся вінным гаспадарчаму суб`екту.
Беларусь плянуе ўзмацніць на сярэднеазыяцкім рынку пазыцыі прадпрыемстваў шэрагу галінаў. Перш за ўсё размова йдзе пра пастаўкі акрылавых валокнаў, нітак, іншай прадукцыі прадпрыемстваў канцэрну "Белнафтахім", а таксама аўтамабільнай прамысловасьці. Гэтаму павінна паслужыць падпісанае паміж урадамі двух краінаў рамачнае пагадненьне.
За мінулы перыяд бягучага года доля гэтак званых "праблемых" банкаўскіх крэдытаў у Брэсцкай вобласьці павялічылася на 1,5 адсоткі. Сёньня такія крэдыты складаюць у цэлым 19 мільярдаў рублёў. Адной з прычынаў павелічэньня "праблемных" крэдытаў зьяўляецца складанасьць з рэалізацыяй прадукцыі прадпрыемстваў. 40 адсоткаў з гэтых крэдытаў -- даўгі аграпрамысловага комплексу.
У першым кварталі 2001г. колькасьць насельніцтва Беларусі паменьшылася на 9,2 тысячаў чалавек і склала на 1 красавіка 2001 года 9.981,2 тысячы. У першым кварталі 2001 года памерла 230 дзяцей ва ўзросьце да аднаго года (у першым кварталі 2000 года - 214). Паказчык дзіцячай сьмяротнасьці склаў 9,8 памерлых дзяцей ва ўзросьце да 1 года на 1.000 народжаных супраць 9,2 за першы кварталь 2000 года. У структуры прычынаў сьмерці дзяцей першага года жыцьця 68% складаюць прычыны перынатальнага перыяду і ўроджаных анамаліяў.
Ад стрэлаў супрацоўніка аб`яднаньня "Ахова" ў Брэсьце загінуў электраманцёр базы "Белімпартгандль". Па дадзеных УУС Брэсцкай вобласьці, сержант міліцыі скончыў дзяжурства і чакаў службовую машыну, калі да яго падыйшлі трое знаёмых электраманцёраў. Міліцыя адмаўляецца казаць, што стала прычынай, аднак сяржант некалькі разоў стрэліў. Зараз ён затрыманы й зьмешчаны ў ізалятар часовага ўтрыманьня. Па факту злачынства пачата крымінальная справа.
Латвійскім дэпутатам варта ўстрымацца ад паездак у Беларусь і тым больш сустрэчаў з афіцыйнымі прадстаўнікамі Менску, папярэдне не атрымаўшы падтрымку Сойму, перадае ЛЕТА са спасылкаю на намесьніка старшыні Сойму Ромуальдсу Разукса. Разукс адзначыў, што некалькі дэпутатаў Сойму, якія на дадзены момант знаходзяцца з візытам у Беларусі, ніяк не зьяўляюцца афіцыйнымі прадстаўнікамі латвійскага парлямэнту, але прыватнымі візытэрамі, бо іхняя паездка ў Менск не была санкцыянавана Соймам. На думку Разукса латвійскім дэпутатам не варта сустракацца з прадстаўнікамі афіцыйнага Менску, бо, па ягоных словах, "сытуацыя з дэмакратыяй і правамі чалавека ў гэтай краіне неспрыяльная".
Беларускія ўлады паведамілі аб арышце выкрадальнікаў тэлеаператара аднаго з расейскіх тэлеканалаў Зьміцера Завадзкага. Зьнікненьне журналіста ў чэрвені мінулага года прыцягнула ўвагу сусьветнай грамадзкасьці да таго, як захоўваюцца правы чалавека ў былой савецкай рэспубліцы.
Заяву з просьбай аб адстаўцы падаў старшыня камітэту па эканоміцы і рыначных стасунках, намесьнік старшыні Брэсцкага аблвыканкаму Ўладзімер Сьцяпанаў. У гутарцы з карэспандэнтам БелаПАН Сьцяпанаў патлумачыў, што не жадае больш працаваць у ізаляцыі, якой ён падвяргаецца з боку кіраўніцтва вобласьці пасьля ягонага ўдзелу ў выбарах у беларускі парлямэнт.
Прэса й палітычныя колы Польшчы шырока камэнтуюць выступ дэпутата Сэйму ад левых сілаў, старшыню Беларускага грамадзка-культурнага таварыства Яна Сычэўскага на Ўсебеларускім народным сходзе 18 траўня ў Менску, паведамляе радыё "Свабода".
"Ці зьяўлецца Беларусь дэмакратычнай дзяржавай?" -- з такім пытаньнем зьвярнуліся да беларускіх жыхароў супрацоўнікі Незалежнага інстытута сацыяльна-эканамічных і палітычных дасьледаваньняў падчас агульнанацыянальнага сацыялагічнага апытаньня ў красавіку бягучага года.
Замежныя інвестыцыі ў беларускі страхавы сэктар стрымліваюцца не заканадаўчымі абмежаваньнямі, а агульным неспрыяльным інвестыцыйным іміджам краіны, сказалі ў камэнтары "Інтэрфаксу" эксперты страхавога рынку. "Перашкоды для інвестыцыяў, хутчэй за ўсё, трэба шукаць у агульным уяўленьні замежнікаў пра неспрыяльны інвестыцыйны клімат у рэспубліцы, высокіх палітычных рызыках і недасканаласьці нацыянальнага заканадаўства аб прадпрымальніцтве", - заявіў намесьнік старшыні Дзяржкамітэту на нагляду за страхавой дзейнасьцю пры Мінфіне Беларусі Міхаіл Піліпейка.
, iнформэр
