Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Толькі ў Брэсцкай вобласьці 19 мільярдаў "праблемных" крэдытаў 11:09, 23/05/2001
За мінулы перыяд бягучага года доля гэтак званых "праблемых" банкаўскіх крэдытаў у Брэсцкай вобласьці павялічылася на 1,5 адсоткі. Сёньня такія крэдыты складаюць у цэлым 19 мільярдаў рублёў. Адной з прычынаў павелічэньня "праблемных" крэдытаў зьяўляецца складанасьць з рэалізацыяй прадукцыі прадпрыемстваў. 40 адсоткаў з гэтых крэдытаў -- даўгі аграпрамысловага комплексу.
Па словах начальніка Галоўнага ўпраўленьня Нацыянальнага банка Беларусі па Брэсцкай вобласьці Івана Пацоўскага, ёсьць крэдыты, якія выдаваліся яшчэ ў 1995 годзе. Тым не меней, нягледзячы на невяртаньне фінансавых рэсурсаў, банкі Брэстчыны працягваюць крэдытававаньне. Паводле зьвестак на 1 траўня, сума крэдытаў склала 164 мільярды рублёў, павялічыўшыся на 20 адсоткаў у параўнаньні з адпаведным перыядам мінулага года.
Палова ўсіх крэдытаў выдадзена прамысловым прадпрыемствам, прычым 60 адсоткаў зь іх -- крэдыты ў замежнай валюце. 25 адсоткаў -- гэта крэдыты сельскай гаспадарцы, 8 адсоткаў -- гандлю, 17 адсоткаў - крэдыты насельніцтву.
, iнформэр
