 | ПАЛIТЫКА | |
Лукашэнка можа пазбавіцца падтрымкі ваенных
11:09, 28/05/2001, "Беларускі час"
" У рэгіёнах рэспублікі ўжо практычна пачалася прадвыбарчая кампанія ўсімі існуючымі структарамі", -- да такой высновы прыйшлі супрацоўнікі аналітычнай службы аднаго з праваахоўчых ведамстваў. Дакумэнт, што трапіў у распараджэньне рэдакцыі, уяўляецца надзвычай цікавым. Гледзячы на зьмест, кіраўніцтва сілавых міністэрстваў вельмі занепакоена вынікамі прэзыдэнцкай гонкі. Напэўна, менавіта таму ў ваенізіраваных структурах былі праведзены сацыялагічныя апытаньні, вынікі якіх сьведчаць пра апалітычнасьць не толькі ваеннаслужачых тэрміновай службы, але й служачых МА і афіцэрскага корпусу. 
У Беларусі трэць прадпрыемстваў стратныя
11:08, 28/05/2001
У Беларусі працягвае расьці колькасьць стратных прадпрыемстваў. Па дадзеных Міністэрства статыстыкі і аналізу, у першым кварталі гэтага года стратнымі былі 33,6 адсоткі прадпрыемстваў, у той час як у студзені-сакавіку 2000 года - 29,2 адсоткі.
11:07, 28/05/2001
Доўг спажыўцоў энэргіі вытворчаму аб`яднаньню энэргетыкі й электрафікацыі "Магілёўэнэрга" складае 92,3 мільярды рублёў. Пра гэта заявіў 25 траўня на прэсавай канферэнцыі ў Магілёве намесьнік старшыні Магілёўскага аблвыканкаму Ігар Шчарбакоў.
11:06, 28/05/2001
Па сытуацыі на 1 траўня бюджэтная запазычанасьць установам аховы здароўя склала 42 мільярды рублёў. Пра гэта паведаміў міністар аховы здороўя Ігар Зелянкевіч у сваім выступе 25 траўня ў Палаце прадстаўнікоў Нацыянальнага сходу.
11:05, 28/05/2001
Высылка з краіны пасла Віка, недапушчэньне міжнародных назіральнікаў, абмежаваньне працы амбасадаў, узмацненьне перасьледу апазыцыі, фінансавыя паборы з грамадзянаў і фірмаў, сварка з Расеяй - такімі паводле інфармацыі таямнічай аналітычнай групы "Y", будуць у хуткі час дзеяньня беларускіх уладаў. Па інфармацыі "Ігрэку", у Адміністрацыі Лукашэнкі прынята рашэньне аб правядзеньні выбараў прэзыдэнта па "жорсткім варыянце". Упершыню група "Ігрэк" заявіла пра сябе ў канцы 2000 года, калі ўсе беларускія незалежныя й амаль усе дзяржаўныя СМІ атрымалі па электронный пошце аналіз дакладу Аляксандра Лукашэнкі на паседжаньні пасьля зьмены сілавых міністраў. Перад гэтым таксама ананімна быў распаўсюджаны ліст афіцэра КДБ, які раскрыў падрабязнасьці расьсьледаваньня "гучных справаў" аб зьнікненьнях вядомых у краіне людзей. Вынікам ліста сталі кардынальныя ратацыі ў сілавой вярхушцы. Што будзе зараз?
11:04, 28/05/2001, "Наша Свабода"
З`езд нефармальнага грамадзкага аб`яднаньня "Рэгіянальная Беларусь", ці з`езд грамадзкасьці краіны, 26 траўня фактычна даў свайму лідэру Сямёну Домашу пуцёўку на прэзыдэнцкія выбары. 815 дэлегатаў з 99 рэгіёнаў Беларусі адназначна заявілі пра найактыўны ўдзел "Рэгіянальнай Беларусі" ў прэзыдэнцкай кампаніі і публічна выказалі падтрымку патэнцыйнаму кандыдату ў прэзыдэнты з Гародні. Адзіная пастаўленая перад з`ездам задача - падтрымаць старшыню Каардынацыйнай рады "Рэгіянальнай Беларусі" Сямёна Домаша пасьпяхова выканана.
11:03, 28/05/2001, ЗУБР
Да такой высновы прыйшла сацыялягічная служба моладзевага руху ЗУБР пасьля апытаньня 1007 студэнтаў у шасьці буйных ВНУ краіны. Апытаньне праводзілася ў Беларускім Дзяржаўным Унівэрсытэце Інфарматыкі й Радыёэлектронікі, Беларускай Дзяржаўнай Палітэхнічнай Акадэміі, Беларускім Дзяржаўным Унівэрсытэце, Беларускім Дзяржаўным Эканамічным Унівэрсытэце, Беларускім Педагагічным Унівэрсытэце й Дзяржаўным Лінгвістычным Унівэрсытэце.
11:02, 28/05/2001
Як паведаміў нам па e-mail вэб-майстар сайту моладзевага руху ЗУБР, 28 траўня пачала працу англамоўная вэрсыя гэтага праэкту. Пакуль у ёй прадстаўлены навіны й узоры друкаванай прадукцыі ЗУБРа. Папаўненьне архіву навінаў і прэсы чакаецца на днях. URL ангельскай вэрсыі -- http://www.zubr-belarus.com/english
11:01, 28/05/2001, СМИ.ru
Аляксандар Лукашэнка выказаўся за далучэньне Кітая да Дамовы аб калектыўнай бясьпецы, паведамляе ИТАР-ТАСС. Беларускі лідэр заявіў пра гэта ў сталіцы Армэніі Эрэване, дзе ён знаходзіцца з афіцыйным візытам. Разам з тым Лукашэнка прызнаў, што пакуль не было практыкі звароту краінаў, які не ўваходзяць у СНД, з просьбай аб уступленьні ў ДКБ.
| |
|
, iнформэр
