У Беларусі трэць прадпрыемстваў стратныя :: Хартыя'97 :: Навiны

У Беларусі працягвае расьці колькасьць стратных прадпрыемстваў. Па дадзеных Міністэрства статыстыкі і аналізу, у першым кварталі гэтага года стратнымі былі 33,6 адсоткі прадпрыемстваў, у той час як у студзені-сакавіку 2000 года - 29,2 адсоткі.

Больш за ўсё стратных прадпрыемтсваў у прамысловасьці будматэыялаў - 57,1 адсоткі, лёгкай прамысловасьці - 48,2, паліва - 42,5, харчаваньня - 34,9.

Растуць запасы гатовай прадукцыі на складах прадпрыемстваў. На 1 траўня яны дасягнулі 64,4 адсоткі да сярэднемесячнага аб`ёму вытворчасьці. У красавіку гэты паказчык складаў 60,3 адсоткаў, у студзені - 62,8, у траўні 2000 года - 57,6. Больш за ўсё на складах круп (414,3 адсоткі сярэднемесячнага аб`ёму вытворчасьці), кавальна-прэсавых прыладаў (234,1), металарэзачных станкоў (207,8). Крэдыторная запазычанасьць прамысловых прадпрыемтсваў дасягнула 1 трыльёну 345,4 мільярдаў рублёў, ці 46,1 адсотак агульнай сумы крэдыторскай запазычанасьці (на 1 красавіка - 1 трыльён 322,5 мільярды, на 1 студзеня - 1 трыльён 197,5 мільярда).

Дэбіторская запазычанасьць прадпрыемстваў на 1 красавіка склала 2 трыльёны 14 мільрдаў рублёў супроць 1 трыльёну 891,3 мільярды на 1 красавіка і 1 трыльёну 677,8 мільярды на 1 студзеня. Пратэрмінованая дэбіторская запазычанасьць дасягнула 1 трыльёну 37,7 мільярдаў рублёў, ці 51,5 адсоткаў агульнай сумы дэбіторскай запазычанасьці (на 1 сакавіка - 990,9 мільярды, на 1 студзеня - 842,8 мільярды).