Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Яшчэ адзін палітычны ўцекач зь Беларусі ў Польшчы 11:06, 29/05/2001
Польшча прадаставіла палітычнае прыстанішча беларускаму прадпрымальніку, дэпутату Вярхоўнага Савета 13-га скліканьня Валерыю Кругавому. Пра гэта інфармацыйнаму агенцтву БелаПАН 28 траўня паведаміў старшыня Саюзу беларускіх палітычных уцекачоў у Польшчы Ян Абадоўскі. Кругавы адшукваўся па запыту беларускіх праваахоўчых ворганаў нібыта за невяртаньне крэдытаў, і ў 1998 годзе на суткі быў затрыманы польскай паліцыяй.
На думку беларускіх праваабаронцаў, крымінальныя справы беларускіх прадпрымальнікаў Валерыя Кругавога, Андрэя Жукаўца, Аляксандра Пупейкі, што ў гады прэзыдэнцтва Аляксандра Лукашэнкі пакінулі Беларусь і зьвярнуліся з просьбаю аб прадастаўленьні палітычнага прыстанішча ў Рэспубліцы Польшча, маюць палітычную падаплёку.
Саюз беларускіх палітычных уцекачоў ў Польшчы спадзяецца, што да канца траўня статус палітычнага ўцекача будзе прадастаўлены таксама Андрэю Жукаўцу. Той быў затрыманы польскай паліцыяй па запыту беларускага бюро Інтэрпола і Сьледчага камітэту пры МУС Беларусі і правёў пад вартай 85 сутак. Зь іх на працягу 34 сутак ён праводзіў галадоўку. Жукавец быў вызвалены 2 траўня.
, iнформэр
