Тэракт на тэрыторыi амбасады Расеi :: Хартыя'97 :: Навiны

Учора ўначы на тэрыторыi амбасады Раасейскай Федэрацыi прагучаў адзiн цi два выбухi. Двое невядомых мыжчынаў перакiнулi праз плот гранату. Нiхто з супрацоўнiкаў амбасады не пацярпеў. Мiлiцыя не прызнае факта тэрарыстычнага акта, аднак ужо супрацоўнiкi МУС пачалi апытаньне сьведкаў, якiя прыжываюць ля амбасады.
Пакуль нельга ацанiць здарэньне з таго пункту гледжаньня, што гэта было - тэракт цi правакацыя. Ясна толькi, што дзеяньнi невядомых прымеркаваны да самiту СНД, якi адкрыўся сёньня ў Менску.
Нагадаем, што ўвесну 1997 года, падчас пiку iнтэграцыйных адносiнаў беларускiх i расейскiх уладаў тэрыторыя амбасады Расеi ў Беларусi падверглася абстрэлу з аўтамату.

Мiжнародны кардынатар Хартыi-97 Андрэй Саньнiкаў так пракаметаваў выбух, што прагрымеў на тэрыторыi расейскай амбасады:
Гэта адкрытая правакацыя ўладаў, якая можа паслужыць падставаю да ўзмацненьня рэпрэсыяў супраць апазыцыйных сiлаў. Гэта брудны перадвыбарчы трук, своеасаблiвае Лёзна-2.

Людмiла Гразнова - дэпутат Вярхоўнага Савету 13-га склiканьня. "Гэта спосаб застрашэньня апазыцыi i магчыма развязваньня супраць яе жорсткiх рэпрэсыяў. Другое. Выбух гранатаў на тэрыторыi Расейскай амбасады гэта знак для Расеi. Мол,глядзiце, што робiцца супраць Расейскай амбасады. На гэта нiбы здольна толькi радыкальная беларуская апазыцыя. Я, Лукашэнка, яе стрымлiваю, дапамагайце мне. iнакш магчымы супраць Расеi iншыя больш сур`ёзныя дзеянь тут, на тэрыторыi Беларусi.
Лукашэнка нэрвуецца. Прыбягае да скрайнiх дзеяньняў. Разумее, што пад iм сыходзiць глеба пад нагамi.