Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Жэневе пачалася чарговая сэсія Міжнароднай арганізацыі працы. Повадам для ўключэньня пытаньня аб захаваньні правоў прфсаюзаў у Беларусі ў павестку канферэнцыі стала скарга, накіраваная ў МАП больш за год таму ў сувязі з умяшальніцтвам дзяржавы ў дзейнасьць прафсаюзаў, абмежаваньнем права працоўных на забастоўку, вялікай складанасьцю працэдуры рэгістрацыі прафсаюзаў і іншымі праблемамі прафсаюзнага руху.
Прадпрымальніцкія прафсаюзы Менскай вобласьці накіравалі заяву да старшыні Менскага аблсавету да 20 чэрвеня перагледзіць стаўкі падаткаабкладаньня. У супраціўным выпадку, яны гатовыя з 1 ліпеня пачаць забастоўку, якая можа працягнуцца амаль да прэзыдэнцкіх выбараў.
На Віцебскім прадпрыемстве па выпуску тэлевізараў "Віцязь" пачаліся масавыя скарачэньні, перадае "Радыё Свабода". Кампанія закранае больш за 400 работнікаў, паведаміў старшыня прафкаму Васіль Штэфарук. Па словах намесьніка генэральнага дырэктара "Віцязя" Мікалая Шлюпакова, скарачэньне колькасьці йшло і будзе працягвацца. Яно зьвязана з тым, што на прадпрыемстве ўведзены жорсткі рэжым эканоміі па ўсіх накірунках, паколькі завод мае востры дэфіцыт зваротных сродкаў.
Як вядома пасьля красавіцкага павышэньня мінімальнай аплаты работнікі аховы здароўя пазбавіліся дабавак да заробку за катэгорыю, якую раней мелі. Глава дзяржавы як заўсёды паабяцаў аднавіць надбаўкі. І "аднавіў".
Актывіст моладзевага руху "Зубр", 19-гадовы студэнт Цімафей Дранчук накіраваў на імя Генэральнага пракурора Беларусі заяву з патрабаваньнем узбудзіць крымінальную справу ў дачыненьні да судьдзі суда Цэнтральнага раёну Менску Натальлі Вайцэховіч. Падставаю для гэтага, як адзначаецца ў заяве, павінна паслужыць тое, што 25 траўня, пры адсутнасьці абвінавачваемага Дранчука, судзьдзя Вайцэховіч вынесла пастанову аб ягоным адміністрацыйным арышце на 15 сутак за ўдзел у несанкцыяніраваным шэсьці ў Дзень Волі (25 сакавіка).
Смаргонская раённая пракуратура (Гарадзенская вобласьць) патрабуе павялічыць тэрмін арышту, вынесены актывісту Кансэрватыўна-хрысціянскай партыі - БНФ Віктару Тураўцу 22 траўня гэтага года. У гэты дзень Туравец быў асуджаны на трое сутак адміністрацыйнага арышту за арганізацыю акцыі 13 траўня, ў Дзень дзяржаўнага герба і дзяржаўнага сьцяга Рэспублікі Беларусь.
У Менску прайшла першая прэсавая канферэнцыя Міжпартыйнага цэнтру па вылучэньню прадстаўнікоў у склад выбарчых камісыяў. Удзельнікамі прэсавай канферэнцыі было заяўлена што ўпершыню ў беларускай гісторыі большасьць партыяў (10 з 18, якія ўжо існуюць) аб`ядналі свае намаганьні дзеля рэалізацыі права беларускага народа на дэмакратычныя, справядлівыя, празрыстыя выбары прэзыдэнта. Адзіны механізм гэтага, на іх думку, -- уваходжаньне прадстаўнікоў палітычных партыяў у склад выбарчых камісыяў усіх узроўняў.
Лідэр "Працоўнай самапомачы" Сяргей Антончык афіцыйна заявіў пра свой намер балатавацца на пост прэзыдэнта Рэспублікі Беларусь. Гэтую ініцыятыву С.Антончык патлумачыў неабходнасьцю зьмены палітычнага курса краіны і сваёй слабай верай у перамогу на выбарах прадстаўнікоў дэмакратычнай "пяцёркі". Адзін з лёзунгаў ноага прэтэндэнта - адмаўленьне ад інтэграцыі з Расеяй. У выпадку перамогі Сяргей Антончык паабяцаў дэнансаваць Дамову аб стварэньні "саюзнай дзяржавы", а таксама вынікі рэферэндуму, праведзенага Аляксандрам Лукашэнкам.
Прэзыдэнт Польшчы Аляксандар Квасьнеўскі 4 траўня на прэсавай канферэнцыі ў Днепрапятроўску заявіў, што рашэньне аб будаўніцтве газароваду ў абход Украіны праз тэрыторыю Беларусі й Польшчы ў Заходнюю Эўропу пакуль не прынята. Аляксандар Квасьнеўскі лічыць, што пры будаўніцтве газапроваду неабходна шукаць шляхі, у якіх былі б зацікаўленыя ўсе. Па ягоных словах, нельга ў ХХІ стагодзьдзі "эканамічныя пытаньні выкарыстоўваць у якасьці палітычнай зброі".
Міліцыя менскага метрапалітэну абвінаваціла актывістаў моладзевага руху ЗУБР, што распаўсюджае спэцвыпускі "Нашай свабоды", у парушэньні артыкулу 172 ч.3 КаАП РБ "распаўсюд друкаваных выданьняў, вырабленых з парушэньнем усталяванага парадку і адсутнасьцю дадзеных, зьмест якіх накіраваны на шкоду дзяржаўнаму й грамадзкаму парадку". Такім чынам, супрацоўнікі праваахоўчых ворганаў парушылі Канстытуцыю Рэспублікі Беларусь і Закон аб друку РБ.
Супрацоўнікі праваахоўчых ворганаў з зайдроснай нязьменнасьцю працягваюць парушаць закон. На гэты раз Партызанскі РАУС Менску больш за 16 гадзінаў трымаў за кратамі актывістаў руху ЗУБР Аляксея Шыдлоўскага, Цімафея Друнчука, Ігара Сюльда і Ірыну Толсьцік. Больш за тое, міліцыя мела намер кінуць у турму на 15 сутак Цімафея Дранчука. Які нечакана апынуўся асуджаным, прычым у ягоную адсутнасьць, судом Цэнтральнага раёну Менску за ўдзел у акцыі апазыцыі ў Дзень Волі 25 сакавіка.
Намаганьні афіцыйнай беларускай дэлегацыі Міністэрства замежных справаў атрымаць прэстыжнае месца непастаяннага члена ў Савеце бясьпекі ААН маюць няўдачу за няўдачай. У чарговы раз такая спроба была прадпрынята міністрам замежных справаў Хвастовым у Сан-Хаосе, дзе праходзіць Генэральная Асамблея Арганізацыі Амэрыканскіх Дзяржаваў (ААД). Аднак у Коста-Рыцы правалілася не толькі пятая спроба выбіцца ў Савет Бясьпекі ААН, там нават не ўдалося атрымаць статус назіральніка ў ААД.
На трое сутак адміністратыўнага арышту за ўдзел у несанкцыянаваным пікеце асуджаны жыхар Гародні, былы старшыня Саюзу палякаў Беларусі Тадэвуш Гавін. 4 чэрвеня Тадэвуш Гавін прыняў удзел у пікеце "Мы хочам ведаць праўду", арганізаваны гарадзенскай філіяй "Моладзь АГП" для прыцягненьня ўвагі грамадзкасьці да зьнікненьня ў Беларусі вядомых людзей.
Падчас правядзеньня аператыўна-сьледчых мерапрыемстваў на месцы выбуху, што адбыўся ўначы з 30 на 31 сакавіка на тэрыторыі расейскай амбасады ў Менску, высьветлена, што на тэрыторыю дыппрадстаўніцтва былі кінутыя дзьве гранаты РДГ-5, пра гэта БелаПАН паведамілі ва Ўпраўленьні інфармацыі й грамадзкіх сувязяў МУС.
Аляксандар Лукашэнка падверг крытыцы дзеяньні расейскай амбасады, якія, на ягоную думку, вядуць да зрыву саюзных эканамічных праграмаў, перадае "Інтэрфакс".
, iнформэр
