Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Беларусі самая "жабрацкая" вобласьць - Магілёўская 11:01, 07/06/2001
У Магілёўскай вобласьці 43,6% сем`яў зьяўляюцца малазабясьпечанымі. Гэтая лічба вышэй сярэдне рэспубліканскага ўзроўня на 4,7%. Гэта зьяўляецца яркім сьведчаньнем таго, што на Магілёўшчыне бедных сямей больш, чым у сярэднім па рэспубліцы.
Па афіцыйных дадзеных у сярэднім на душу насельніцтва вобласьці ў першым кварталі гэтага года прыходзілася ўсяго 43367 рублёў ці 96,6% ад сярэдне рэспубліканскага ўзроўня. З агульнага аб`ёму выдаткаў на харчаваньне 28% прыпадае на набыцьцё мяса, 26% -- на хлеб і хлебапрадукты, 15% -- на малако, 7% -- на цукар і кансэрвовыя прадукты, 6% -- на рыбу, 4% -- на фрукты і 7% на іншыя прадукты харчаваньня.
Для малазабясьпечаных сямей першачарговымі праблемамі зьяўляюцца плата за жыльлё, камунальныя паслугі й транспарт. Сярод сацыяльна неабаронных катэгорыяў па-ранейшаму знаходзяцца адзінокія пенсыянэры. Сярэдні памер пенсыяў па вобласьці ў сакавіку 2001 года склаў 42151 рубль. З агульнай колькасьці пенсыянэраў, іх у вобласьці 310762 чалавекі, каля 40% атрымоўваюць пэнсыі ніжэй пражытнога мінімуму 31276 рублёў.
, iнформэр
