Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Кучма лічыць, што беларуска-расейскі саюз не мае будучыні 11:05, 07/06/2001, Ю.С.Ньюс
Першы канал украiнскага тэлебачаньня паказаў фрагмент інтэрвію прэзыдэнта Леаніда Кучмы, якое ён даў у Менску беларускаму тэлебачаньню. Беларускія тэлегледачы гэты фрагмент не пабачылі. Бо Кучма заявіў, што Ўкраіна свой выбар ужо зрабіла. І гэты выбар - Эўразьвяз, а не Саюз Беларусі й Расеі.
У інтэрвію БТ Леанід Кучма заявіў, што няма альтэрнатывы інтэграцыі Ўкраіны ў Эўразьвяз. Адказваючы на пытаньне пра магчымы намер Украіны далучыцца да Саюзу Беларусі й Расеі, Л.Кучма заявіў: "Мы таксама за зьвяз - за Эўразьвяз, -- хаця нам доўга туды рухацца".
Ён нагадаў, што і расейскі прэзыдэнт Уладзімер Пуцін яшчэ раз падкрэсьліў, што Расея таксама рушыць у Эўропу.
"Таму, калі хтосьці хоча замкнуцца ў сваёй краіне і пабудаваць штосьці спэцыяльнае, адрознае ад агульнаэўрапейскай мадэлі, то гэта не мае ніякіх перспэктываў", - адказаў на пытаньне пра беларуска- расейскі "саюз" украінскі прэзыдэнт Кучма ў інтэрвію БТ.
, iнформэр
