Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
На дарогах Беларусі ўведзены абмежаваньні на рух цяжкіх грузавікоў 11:13, 07/06/2001
Часовыя абмежаваньні на праезд цяжкавагавых транспартных сродкаў па аўтамабільных дарогах уведзены на тэрыторыі ўсёй Беларусі. Пра гэта БелаПАН паведамілі ў прэсавай службе Камітэту па аўтамабільных дарогах.
Абмежаваньні будуць дзейнічаць да канца жніўня для транспартных сродкаў з нагрузкай на вось больш за 6 тонаў па аўтамабільных дарогах з асфальтабетонным пакрыцьцём. Рух дадзеных транспартных сродкаў забаронены ў дзённы час сутак з 10 да 22 гадзінаў пры тэмпературы паветра вышэй за 25 градусаў. Аднак рух згаданага аўтатранспарту дазволены ў начны час з 22 гадзінаў вечара да 10 гадзінаў раніцы.
Разам з тым, у камітэце паведамілі, што абмежаваньні не закрануць транспартныя сродкі, якія ажыцьцяўляюць перавозкі скорапсавальных грузаў і перавозкі, зьвязаныя з прадухіленьнем або ліквідацыяй надзвычайных сытуацыяў.
Па словах спэцыялістаў, абмежаваньні ўводзяцца ў сувязі з тым, што павелічэньне тэмпературы паветра ўлетку ў дзённы час да 25 градусаў і вышэй адмоўна адбіваецца на якасьці дарожных пакрыцьцяў.
, iнформэр
