Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
"Жахлівая сытуацыя" з заробкам і адпускнымі 11:16, 07/06/2001
Па стану на 1 траўня запазычанасьць суб`ектаў гаспадараньня перад бюджэтам перавышала 100 мільярдаў рублёў. Пра гэта 6 чэрвеня, паведаміў пастаяннай камісіі Палаты прадстаўнікоў Нацыянальнага сходу Беларусі па бюджэту, фінансах і падатковай палітыцы паведаміў міністар фінансаў Мікалай Корбут. Палову гэтай сумы, паводле ягоных словаў, складаюць нядоімкі, звязаныя з падатковымі адтэрміноўкамі, што прадастаўляюцца прамысловым прадпрыемствам (каля 44 мільярдаў) і іншымі відамі дзяржаўных ільготаў (каля 6 мільярдаў).
Міністар паскардзіўся на тое, што выкананане даходнай часткі бюджэту ідзе вельмі цяжка. Па словах Мікалая Корбута, сёлета вытворчасаць у рэальным сэктары эканомікі адстае ад паказчыкаў, якія плянаваліся на 15 адсоткаў, што, адпаведна, прывяло да зьніжэньня падаткавых паступленьняў. Акрамя таго, зазначыў ён, пакуль не выйшлі "на заплянаваныя параметры" зборы па акцызнаму падатку. З гэтай нагоды міністар ня выключыў, што ў 2002 годзе будзе зьменены парадак выплаты акцызаў. Мяркуецца, што гэты падатак будзе спаганяцца не з вытворцаў, як зараз, а з абароту.
Як зазначыў міністар, невыкананьне бюджэтных паказчыкаў па даходах стварае значныя цяжкасьці з фінансаваньнем расходнай часткі бюджэту. Паводле ягоных словаў, цяпер склалася "жахлівая сытуацыя" з выплатай заробкаў і адпускных у бюджэтнай сфэры.
, iнформэр
