Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Пазыкі прадпрыемстваў за жыльлёва - камунальныя паслугі - больш за100.000.000.000 11:17, 07/06/2001
105 мільярдаў рублёў складаюць даўгі суб`ектаў гаспадараньня за жыльлёва-камунальныя паслугі, зь іх 57 мільярдаў лічацца за бюджэтнымі арганізацыямі. Летась страты прадпрыемстваў Мінжылкамгасу склалі 21 мільярд рублёў, а ў першым кварталі гэтага года -- 24 мільярды. У сваю чаргу, камунальнікі вінныя пастаўшчыкам энергарэсурсаў 105,5 мільярда рублёў. Такія зьвесткі прывёў міністр жыльлёва-камунальнай гаспадаркі Беларусі Аляксандр Мількота 6 чэрвеня на прэсавай канферэнцыі ў Менску.
Да будучага ацяпляльнага сезона прадпрыемствы жыльлёва-камунальнай гаспадаркі павінны падрыхтаваць 1.690 кацельняў, звыш 1.500 цэнтральных цеплавых пунктаў, замяніць 123 кіламетры цеплатрасаў. З-за недахопу фінансаваньня толькі 16 кіламетраў старых труб будуць заменены гэтак званымі перадізаляванымі, якія маюць доўгі тэрмін службы, а цяпло па іх дастаўляецца практычна без стратаў. Да ацяпляльнага сезона павінна быць нарыхтавана 60 тысяч тон вугалю і 155 тысячаў тон топачнага мазуту.
Сёлета ў Беларусі павінна быць капітальна адрамантавана 460 тысячаў квадратных метраў жыльля. Між тым летась было адрамантавана ўсяго 324 тысячы квадратных метраў жыльля пры плане 400 тысяч, прычым палова адрамантаванага жыльля знаходзіцца ў Менску. Па словах міністра, уся праблема заключаецца ў фінансаваньні, якое павінна ажыцьцяўляцца з мясцовых бюджэтаў.
, iнформэр
