Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Рэпрэсыі супраць распаўсюджвальнікаў "Студэнцкай газэты" 11:06, 08/06/2001
Раніцай 7 чэрвеня ў Гомельскім дзяржаўным універсітэце падчас раздачы першага нумара зарэгістраванай Дзяржкамітэтам па друку "Студэнцкай газэты" былі затрыманыя чацьвёра актывістаў "Задзiночаньня беларускiх студэнтаў", паведамляе БелаПАН. У фае ўніверсітэта на іх раптоўна наляцелі два чалавекі ў цывільным. Пры гэтым адзін з маладых людзей - Андрэй Вітушка - упаў на шкляныя дзверы; у яго разбіта галава, асколкамі шкла парэзаны ногі, магчыма, зламаная рука.
Распаўсюджвальнікі студэнцкай газэты былі затрыманы і, без усякіх тлумачэньняў, дастаўлены ў адзьдзел міліцыі Цэнтральнага раёну Гомлі. Апрача Андрэя Вітушкі, затрыманыя кіраўніца ЗБС Крысьціна Сідун, Сяргей Паўлянковіч і Зьміцер Гаўрусік; усе яны - студэнты менскіх ВНУ.
Як паведаміла БелаПАН па мабільным тэлефоне Крысьціна Сідун, нягледзячы на вялікую страту крыві ў Андрэя Вітушкі, супрацоўнікі міліцыі адмаўляюцца выклікаць "хуткую дапамогу" і не дазваляюць затрыманым зьвязацца з адвакатам.
, iнформэр
