Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
“Калі гэтыя факты падцьвердзяцца, то мы будзем мець справу ня толькі з недэмакратычным і нелігітымным, але й злачынным рэжымам”, - пракамэнтаваў ліст супрацоўніка пракуратуры Зьміцера Петрушкевіча, што выкрываў уладу ў выкраданьнях і забойствах палітычных апанентаў, міжнародны каардынатар Хартыі’97 Андрэй Саньнікаў.
Сёньня ў Беларусі раптам спынілася вяшчаньне расейскіх тэлеканалаў – ГРТ, РТР, НТБ, “Культуры”. Дзяржаўная тэлерадыёкампанія запэўнівае, што перапынак зьвязаны з прафілактыкаю абсталяваньня і нібыта мерапрыемства плянавае. Аднак пра адваротнае кажа хаця б тое, што ніводнае выданьне, якое друкуе тэлевізыйныя праграмы, аб адключэньні расейскіх тэлеканалаў ніхто не папярэдзіў.
“Радыё Свабода” высьветліла, што аўтар скандальнага ліста, які раскрывае падрабязнасьці сьледзтва па справе Зьміцера Завадзкага, Зьміцер Петрушкевіч сапраўды зьяўляецца дзейным супрацоўнікам пракуратуры Рэспублікі Беларусь. Ён насамрэч працуе сьледчым пракуратуры Савецкага раёну, і ў студзені 2001 года быў накіраваны на працу ў сьледчую групу Генэральнай пракуратуры РБ па справе Завадзкага.
Прэсавыя службы МУС, КДБ і Генпракуратуры адмовіліся камэнтаваць ліст супрацоўніка сьледчай групы па справе Завадзкага Зьміцера Петрушкевіча, які абвінавачае ўладу ў выкраданьні людзей. “Наогул гэты ліст я прачытаў на вашым сайце. Перш перакінуўся словам зь міністрам Навумавым і ён паведаміў, што магчыма, сам пракамэнтуе гэты ліст. Вы ж разумееце. Гэта такое сур’ёзнае абінавачваньне. Яно закранае нават не МУС, а штосьці больш высокае”, -- пракамэнтаваў прэсаваму цэнтру Хартыі’97 сэнсацыйны ліст сьледчага генпракуратуры прэсавы сакратар МУС Зьміцер Партон.
“Сёньня супрацоўнікі сьледчай групы па справе Завадзкага аказаліся ў вельмі небясьпечнай сытуацыі. У генэральнай пракуратуры яны ізгоі, ціск на іх настолькі вялікі, што яны проста не вытрымліваюць пастаянных запужваньняў і пагрозаў у свой адрэс і адрэс сваіх блізкіх. Двое сьледчых ужо памерлі пры дзіўных абстаінах, нібы ад сардэчнага прыступу. Памёр і галоўны сьведка па спрае Завадзкага. Сьледчыя зразумелі, што лепш усё адкрыта распавесьці, чым раптоўна памерці ад сардэчнага прыступу”, -- пракаметаваў прэсаваму цэнтру Хартыі’97 сэнсацыйнае прызнаньне работніка сьледчай групы пракуратуры Рэспублікі Беларусь Зьміцера Петрушкевіча, што датычыць рассьледаваньня “гучных справаў” аб зьнікненіні ў Беларусі вядомых людзей кіраўнік спэцпраэктаў ГРТ Павал Шарамет.
Работнік сьледчай групы пракуратуры Рэспублікі Беларусь Зьміцер Петрушкеіч агучыў 11 чэрвеня 2001 года новую інфармацыю, што датычыць расьсьледаваньня “гучных справаў” аб зьнікненьні ў Беларусі вядомых людзей. Са словаў Петрушкевіча й яшчэ аднаго чалавека – былога супрацоўніка пракуратуры Алега Случака -- вынікае, што на Беларусі па загаду ўладаў створана спэцыяльная група, якая займацца ліквідацыяй нягодных уладзе людзей. Менавіта ў гэты “эскадрон сьмерці” ўваходзяць абвінавачаныя па справе Звадзкага спэцназаўцы Ігнатовіч і Малік. Група забойцаў створана некалькі гадоў таму былым міністрам унутраных справаў Юры Сіваковым (зараз высокі чыноўнік адміністрацыі прэзыдэнта) па загаду Дзяржсакратара Віктара Шэймана (зараз ён – генэральны пракурор). Узначальвае групу афіцэр спэцназу Зьміцер Паўлючэнка. Сэнсацыйная таксама інфармацыя пра тое, што дзейны міністар унутраных справаў Навумаў да сёньня наведвае арыштаваных Ігнатовіча й Маліка, а таксама інфармацыя пра зброю, якую выкарыстоўвала банда забойцаў – гэта пісталет, зь якога ў Беларусі растрэльваюць людзей прыгавораных да сьяротнага пакараньня. Са словаў Петрушкевіча й Случака вынікае, што шукаць ахвяраў палітычных злачынстваў варта ў раёне Паўночных могілак у Навінках. Аднак спроба былога генэральнага пракурора Бажэлка і экс-старшыні КДБ Мацкевіча выкрыць групу й знайсьці трупы забітых пры дапамозе спэцыяльнай апаратуры скончыліся гучнай адстаўкай... Гэтая інфармацыя былы атрымана ўсімі беларускімі СМІ па электроннай пошце. Інтэрвію сканчаецца абяцаньнем прадаставіць у хуткім часе відэёзапіс словаў Петрушкевіча й Случака. Яны таксама запэўніваюць, што маюць шматлікія дакумэнты па справе Завадзкага. Тэкст ліста прыводзіцца цалкам.
, iнформэр
