Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
“Гэтая гістарычная падзея аб’яднае намаганьні двух незалежных сетак назіраньня, і надыходзячыя прэзыдэнцкія выбары будуць сапраўды пракантраляваны з боку грамадзкасьці й грамадзкіх арганізацыяў. Мы данясем да народа інфармацыю пра сапрўдныя вынікі гэтых выбараў”, -- заявіў лідэр грамадзянскай ініцыятывы “Незалежны погляд” Алесь Бяляцкі на прэсавай канферэнцыі, што адбылася сёньня. Дзьве найбуйныя беларускія арганізацыі па назіраньню за выбарамі заявілі аб аб’яднаньні намаганьняў і каардынацыі дззеяньяньняў, накіраваных на падрыхтоўку незалежных унутраных назіральнікаў за надыходзячымі ў верасьні гэтага года выбарамі прэзыдэнта.
Заплянаванай правакацыяй назала жонка вядомага былога рэктара Гомельскага медычнага інстытута прафесара Юры Бандажэўскага, Галіна Бандажэўская, арышт ейнага мужа на беларуска-літоўскай мяжы. Паводле афіцыйнай інфармацыі Ю.Бандажэўскі быў затрыманы пры спробе нелегальнага перасячэньня беларуска-украінскай мяжы, хаця ён знаходзіўся пад падпіскай ад нявыязьдзе – супраць яго і іншых супрацоўнікаў інстутута была ўзбуджана крымінальная справа аб хабарніцтве.
У нядзелю 10 чэрвеня адбылася, можна сказаць, прэм’ера на расейскім тэлеканале ГРТ чатырох прэтэндэнтаў на пост прэзыдэнта Беларусі. У праграме Познэра “Времена” прынялі ўдзел Міхаіл Чыгір, Павал Казлоўскі, Сяргей Калякін, Сямён Домаш, а таксама старшыня АГП Анатоль Лябедзька. Як глядач магу сказаць: выглядалі апаненты Лукашэнкі вельмі і вельмі прывабна, і, што самае галоўнае, пераканаўча. Таксама радуе той факт, што запрашэньне на ўдзел прыйшло менавіта ад Уладзімера Познэра, аднаго з самых папулярных й паважаных журналістаў Расеі.
Самыя бяспэспэктыўныя кандыдаты на пост прэзыдэнта Беларусі, лідэр Беларускай ліберал-дэмакратычнай партыі Сяргей Гайдукевіч і нікому невядомы Ўладзімер Цярэшчанка, першымі падалі ў Цэнтрвыбаркам заяўкі аб рэгістрацыі сваіх ініцыятыўных групаў. У складзе ініцыятыўнай групы Црэшчэнка аказалася 6 тысячаў 83 чалавекі. Ініцыятыўная група Сяргея Гайдукевіча аказалася амаль у 3 разы меней – 2 136 чалавек.
Лаўрэат Нацыянальнай прэміі за абарону правоў чалавека, дэпутат Вярхоўнага Cавету 13-га скліканьня журналіст Валеры Шчукін сядае ў турму. З сёньняшняга дня ўступае ў сілу пастанова аб арышце тэрмінам на тры месяцы, што было вынесена 15 сакавіка судом Цэнтральнага раёну Менску. 60-гадовага Шчукіна абвінавацілі ў хуліганстве – парушэньні арт.339 ч.1 КК РБ толькі за тое, што ён спрабаваў увайсьці на прэсавую канферэнцыю міністра ўнутраных справаў Беларусі Ўладзімера Навумава.
“ЭЗ заклікае ўрад Беларусі захоўваць свае абавязацельствы, што былі прыняты ў рамках Капенгагенскага дакумэнту АБСЭ, і ўстрымацца ад умяшальніцтва ў дзейнасьць палітычнай апазыцыі і незалежных рухаў. Захаваньне прынцыпу свабоды сходаў зьяўляецца ў гэтай сувязі цэнтральным момантам” – такую заяву Эўрапейскі зьвяз прыняў 11 чэрвеня ў сувязі з надыходзячымі ў Беларусі прэзыдэнцкімі выбарамі.
Генэральная пракуратура з энтузіязмам прынялася абвяргаць учарашнюю сэнсацыйную інфармацыю пра расьсьледаваньне ў Беларусі “гучных справаў”, раскрытцю сьледчым пракуратуры Зьміцерам Петрушкевічам. Учора Генпракуратура заявіла, што З.Петрушкевіч – “выконваў тэхнічныя функцыі” і адпаведна, пра расьсьледааньне нічога ведаць ня мог. Аднак журналіст Генадзь Барбарыч сьцьвярджае адваротнае – менавіта гэты сьледчы выклікаў яго на допыт пасьля публікацыі ў “Народнай волі” ягонага матэрыялу “Дзіма. Новыя падзеі...”
Рэгулярныя ляпы Лукашэнкі, падобна на тое, раздражняюць Крэмль ужо сур’ёзна. “Эмацыйныя выказваньні прэзыдэнта Беларусі ў Гародні не замацоўваюць міжнародны прэстыж “саюзу””,-- камэнтуе “Інтэрфаксу” высокапастаўленая, “блізкая да Савету Бясьпекі” крыніца сьвежыя развагі Лукашэнкі пра тое, што расейскія партнэры недастаткова напаўняюць ягоны “саюзны” бюджэт, і патрабаваньні да Селязьнёва дакласьці пра сабатаж Пуціну.
Прэзыдэнт Армэніі Робэрт Качаран лічыць заўчасным далучэньне сваёй краіны да саюзу Расеі й Беларусі. Пра гэта, як паедамляе РІА "Новости", заявіў страшыня Дзярждумы Генадзь Селязнёў на прэсавай канферэнцыі пасьля сустрэчы з прэзыдэнтам рэспублікі.
Падчас паседжаньня ўраду “саюзу”дзяржавы Расеі й Беларусі, што адбыўся на днях, расейскі прэм’ер і адначасова старшыня саюзнага Савміну Міхаіл Касьянаў й ягоны беларускі калега Ўладзімер Ярмошын, таргаваліся аб правілах падаткаабкладаньня. Кошт спрэчкі, па падліках ураду, 200 мільёнаў даляраў.
Аляксандр Лукашэнка зусім не арыгінальны. Ён заявіў пра свой удзел у прэзідэнцкіх выбарах. "Мне не надо раскручивать чего-то, дым поднимать, пожар разжигать",— заявіў Лукашэнка і паведаміў пра нейкіх 30 даверанных асобаў, зь якімі ён пакуль "не вызначыўся", і ініцыятыўнай групе ў 3 тысячы чалавек.
На ўрачыстасьцях у сталіцы Беларусі з нагоды 55-годзьдзя Менскага трактарнага заводу гаспадары ўручылі дэлегацыі Новаліпецкага металюргічнага камбінату ўрачысты дыплём “Лепшага пастаўшчыка МТЗ” з удзячнасьцю за шматгадовае супрацоўніцтва. У 2000 годзе НЛМК больш чым на 50 % забясьпечыў патрэбу ў металапрадукцыі беларускіх трактарабудаўнікоў, які выпусьціў за год 28 тысячаў трактараў.
, iнформэр
