Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Самыя бясперспектыўныя падалі заяўкі 11:09, 12/06/2001
Самыя бяспэспэктыўныя кандыдаты на пост прэзыдэнта Беларусі, лідэр Беларускай ліберал-дэмакратычнай партыі Сяргей Гайдукевіч і нікому невядомы Ўладзімер Цярэшчанка, першымі падалі ў Цэнтрвыбаркам заяўкі аб рэгістрацыі сваіх ініцыятыўных групаў. У складзе ініцыятыўнай групы Црэшчэнка аказалася 6 тысячаў 83 чалавекі. Ініцыятыўная група Сяргея Гайдукевіча аказалася амаль у 3 разы меней – 2 136 чалавек.
Нагадаем, што ў адпаведнасьці з Выбарчым кодэксам, для праверкі правільнасьці афармленьня дакумэнтаў Цэнтрвыбаркаму адводзіцца 5 дзён. Калі група будзе зарэгістрвана, то з моманту рэгістрацыі яна мае права прыступіць да збору подпісаў у падтрымку патэнцыйнага кандыдата ў прэзыдэнты. Для вылучэньня прэтэндэнта на пост кіраўніка дзяржавы неабходна напрацягу месяца сабраць 100 тысячаў подпісаў грамадзянаў.
Сяргей Гайдукевіч, між іншым, заявіў, што мае намер сабраць неабходныя для вылучэньня 100 тысячаў подпісаў за 5 дзён.
